Юртимизда

КУН КУЛГИСИ…

* * *

Бешинчи синфда ўқийдиган бола қўл телефонидан синфдошига қўнғироқ қилди.

— Бизникига кел, шахмат ўйнаймиз!

— Иложим йўқ. Мен бандман.

— Нима қиляпсан?

— Мени жазолашди, бурчакда турибман.

* * *

Енгилтабиат аёл ўйнаши уйига кириши билан деди:

— Азизим, мен ҳомиладорга ўхшайман. Бола кимданлигини билмадим-у, аммо сизни кўрсам кўнглим ағдарилиб кетяпти.

* * *

Қиз газетага эълон берди:

«Сеҳргар эркакни излаяпман. Эртакчилар безовта қилишмасин!»

* * *

Эр ишга кетаётиб хотинидан сўради:

— Азизам, бугун қайси пайпоғимни кийсам экан-а? Тоза-ю, йиртилганиними, кирланган-у йиртилмаганиними?

* * *

Эр хотинига деди:

— Бугун овқат тайёрлаб қўйгин, ишхонамдаги дўстларим келишади!

— Хўп, овқатни дўстларингиз яна қайтиб келадиган қилиб тайёрлайми, ё қайтиб қорасини кўрсатмайдиган қилиб тайёрлайми?

* * *

Яқин дўсти йигитдан сўради:

— Хўш, шайтоннинг йўлига кирмай қўйдингми? Шайтони лаинни ҳайдаб солдингми?

— Иложим йўқ, дўстим, ахир у билан орамизда уч фарзанд бор!

* * *

Хотин эрига деди:

— Тўйгача совға-саломларга кўмиб ташлагандингиз. Мана, тўй ҳам ўтди, нега совға беришни тўхтатдингиз?

— Хотин, сен балиқчи балиқни тутгач, қармоққа яна чувалчанг илганини кўрганмисан?

* * *

Йигит севгилисига СМС хабари ёзяпти:

— Жоним, сен учун бутун бошли океаннинг у соҳилидан бу соҳилигача дам олмасдан сузиб ўтишга, тоғларни толқон қилишга, осмондаги ойни тутиб қўлингга тутқазишга ҳам тайёрман!

— Вой, унда тезроқ кела қолинг меникига, азизим!

— Бўпти, ташқарида жала қуйяпти, тинсин, етиб бораман.

* * *

Врач беморга деди:

— Манави таблетканинг икки донасини кечқурун ётишдан олдин ичасиз. Агар эрталаб уйғонсангиз, яна иккитасини ичиб олинг!

* * *

Муаллима бешинчи синф ўқувчисидан сўради:

— Тасаввур қил, киссангда 1000 сўм пулинг бор. Сен дадангдан яна 1000 сўм сўрадинг. Ҳаммаси бўлиб киссангда неча пул бўлади?

— 1000 сўм.

— Оббо, сен-чи, Қўшмат, математикани умуман билмайсан!

— Устоз, сиз эса менинг дадамни билмайсиз.

О. ҲАЙИТ тайёрлади

Сиз ҳозир hordiq.uz сайтидасиз. Янгиликлардан ўртоқларингизни ҳам хабардор қилинг:

Добавить комментарий

Ваш e-mail не будет опубликован. Обязательные поля помечены *

13 + 5 =

Диққат! Диққат!
Диққат! Диққат!
Ўқишни тавсия этамиз