Юртимизда

“Брат” агар шу ҳангома ичагингизни узиб-узиб олмаса, мана, мен кафил!..

* * *

Беш яшар болакай дадасидан сўради:

— Дада, ойим сизга нима учун керак?

— Нимага керак бўларди? Ҳаётимнинг мазаси асалдай ширин бўлиб кетмаслиги учун.

* * *

Эр-хотин кечаси каравотда чалқанча ётибди. Хотин ўйлаяпти:

— Эримнинг кўнгли совияпти шекилли мендан. Негадир илгаригидек қадамига бўса олишни йиғиштирган. Наҳотки, бошқасини топиб олган бўлса?..

Эр ўйлаяпти:

— Шифтда пашша юрибди… Қизиқ… Шу пашша шифтда қандай йиқилмасдан юра оларкин-а?..

* * *

Болакай дадасидан сўради:

— Дада, «шоҳобча» нима?

— Шоҳобчами? Мана, масалан, сенинг тувагинг бор-а?

— Ҳа.

— Ўша тувагинг унитазимизнинг шоҳобчаси ҳисобланади.

* * *

Хотин:

— Азизим, агар мен ҳов анави дарёга ўзимни отсам, мени чўкишдан қутқариб қолармидингиз?

Эр:

— «Ҳа» десам, сакрармидинг?

* * *

Кўп болали эркак хотини ва болалари билан ресторанда кечки овқатни тановул қилиб бўлгач, официанткани чақириб сўради:

— Стол устидаги қолган овқатларни пакетга солиб бера оласизми? Итимга берардим.

— Албатта.

Шунда болалари бор овозда қичқиришди:

— Ура, ит сотиб оларканмиз!!!

* * *

Болалар боғчасида тарбиячи тарбияланувчиларни олтигача санашга ўргатяпти. Ҳамма санади. Эшмат тарбиячига деди:

— Мен олтидан кейингилариниям санашни биламан.

— Қани, сана-чи!

— Етти, саккиз, тўққиз, дама, корол, туз…

* * *

Болалар боғчасида «Сен қандай пайдо бўлгансан?», деган саволга тарбияланувчилар жавоб беришяпти:

Тошмат:

— Мени Лайлак олиб келган!

Эшмат:

— Мени карамнинг ичидан топиб олишган!

Қўшмат:

— Менинг ота-онам бадавлат эмас. Ҳамма ишни дадамнинг ўзи бажаради!

* * *

Хотин эридан сўради:

— Азизим, менинг кўзларим мовий денгизни эслатадими?

— Ҳа.

— Сочларим шаршарага ўхшайдими?

— Ҳа.

— Лабларим атиргул ғунчаси каби гўзалми?

— Албатта.

— Оҳ, хушомад қилганингизда менга шунчалар ёқасизки…

* * *

Янги бойнинг ўғли севган қизини онасига таништиряпти:

— Ойи, бу Шаҳноза. Ажойиб тортлар, пироглар пиширади, ош дамлашни қийиб қўяди, уй йиғиштиришда унга тенг келадигани йўқ.

— Жуда яхши, ўғлим. Кунига 20 доллардан тўлайман. Сешанба, жума кунлари ишлайди.

* * *

Хотин энди-энди уйқуга кетаётган эрини туртиб деди:

— Ишонасизми, Африкадаги қайсидир қабила эркаклари хотинларини сотишаркан. Айтинг, сиз ҳам мени сотган бўлармидингиз?

— Бу нима деганинг, жоним? Мен сени текинга берворардим, текинга!

О. ҲАЙИТ тайёрлади

Сиз ҳозир hordiq.uz сайтидасиз. Янгиликлардан ўртоқларингизни ҳам хабардор қилинг:

Добавить комментарий

Ваш e-mail не будет опубликован. Обязательные поля помечены *

восемнадцать + 18 =

Диққат! Диққат!
Диққат! Диққат!
Ўқишни тавсия этамиз