Ўйлаб кўрдингизми? 2018 йил 12 феврал куни юлдузлар сизга нималарни ваъда қиларкин?..

0

 

ҚЎЙ (21. 03 — 20. 04)

Кимда янада илиқроқ таассурот қолдирмоқчи бўлсангиз, улар билан кўпроқ мулоқот қилишингиз тавсия этилади. Улар ҳамкасблар ҳам, дўстлар ҳам бўлиб чиқиши мумкин. Бугун атрофдагилар сизга кўпроқ ишона бошлашади. Одамларга сизнинг тартибли, интизомлилигингиз ёқиб тушади. Кечқурун сизни романтик учрашув кутади. Лекин бу никоҳ билан умуман боғлиқ эмас. Башарти оилали бўлсангиз, бу учрашувдан бош тортинг. Соғлиғингизни эҳтиёт қилинг.

БУЗОҚ (21. 04 — 21. 05)

12 февралда оила қуришга улгурмаганларнинг баъзилари ўз ҳаётида тезкор муҳаббат деб номланган жараённи бошдан кечиришлари мумкин. Бу тезкор муҳаббат жараёни шамол тезлигида қалбингизни забт этиш қувватига эга. Танлаганингизга ўзингиздаги энг яхши жиҳатларни намойиш этинг. Ёмон томонингизни намойиш қилишга ҳали улгурасиз. Молиявий муаммоларни фақат ақл ёрдамида ижобий ҳал этишингиз мумкин. Шунга яраша мўмайгина пулга эга бўласиз. Бу пулларни эса пешона тери эвазига ишлаб топганингизни эсда тутинг. Шунинг учун бўлар-бўлмасга сарфлаб қўйманг.

ЭГИЗАКЛАР (22. 05 — 21. 06)

Кунингиз мазмунли, хайрли ва ёқимли кечиши кутилмоқда. Фақат ҳар бир майда кўнгилсизликдан нолишни бас қилиб, дунёга реал кўз билан боқсангиз бас, шу заҳоти ёқимли туйғулар қалбингизни забт эта бошлайди. Кўп меҳнат қилганлар, келажакка ишонганларнинг ўзгалар қаршисидаги мартабаси юқори чўққиларга чиқиш арафасида турибди. Агар бироз таваккал қилиб кўрсангиз, катта пул ишлаб олишингиз ҳам ҳақиқатга яқин. Бугун атрофдагиларга эмас, ўзингизгагина ишонинг.

ҚИСҚИЧБАҚА (22. 06 — 23. 07)

12 феврал куни тушга бормай молиявий муаммолар сизнинг фойдангизга ҳал бўлади. Кутилмаган ёқимли совғаларга, муҳаббатда ёрқин туйғуларга эга бўласиз. Буларнинг барчаси ҳис-туйғуларингизни ҳам ёқимли ва ёрқин тус олишга ундайди. Кимки бугун ўйламасдан қадам босса, юқорида санаб ўтилган эзгуликларнинг аксини қабул қилиб олиши тайин. Кечқурун оила қуриш арафасида турганларга рўзғор масаласида тушунчалар беришингизга тўғри келади. Соғлиғингизни сақланг, авайланг.

АРСЛОН (24. 07 — 23. 08)

Баъзи дўстларимиз бугун олис сафарга отланишлари мумкин. Сафарнинг мақсади саёҳатдан иборат. Бу саёҳат сизга бир олам таассурот ва кайфият тақдим этмоқчи. Моддий аҳволингиз ўртача кўринишда бўлиши кутилади. Лекин бу энг зарур буюмларни харид қилмай туринг дегани эмас. Оиласизлар бугун ўз муҳаббатини учратиши ва романтик лаҳзалар бошланиш палласига кириши эҳтимолдан холи эмас. Овқатланишда меъёрни билинг. Кўча таомини истеъмол қилишдан воз кечинг.

ПАРИЗОД (24. 08 — 23. 09)

12 февралда ҳаётингиздаги энг ёрқин, ёқимли, муҳим лаҳзаларни бошдан кечирасиз иншооллоҳ. Тақдирнинг шафқатсиз синовлари бугун сиздан нарироқ бўлади. Оғир вазиятда қола бошлаганингизни сезсангиз, ҳазил-мутойибага эрк беринг. Қандай йўл билан бўлмасин, ўзингизни кулишга, атрофдагиларни кулдиришга ҳаракат қилинг. Вазиятдан шу йўл билан осон чиқиб кета оласиз. Кечқурун қандайдир маданий тадбирда иштирок этишингиз кутилмоқда. Сурункали хасталикка йўлиққанлар қон босимини кун давомида тез-тез ўлчатиб туришлари зарур.

ТАРОЗИ (24. 09 — 23. 10)

Ишларингиз шу қадар кўп бўладики, овқатланиш, нафас ростлашга умуман вақт топа билмаслигингиз мумкин. Аммо унутманг, худди шундай вазиятни хоҳлардингиз. Мана, бугун ўша орзунгиз ушалади. Лекин бу вазият мартабангиз ортишига ҳам сезиларли даражада таъсир кўрсатади. Кун давомида ким нима деса ишониб кетавермай, ўз фикр-мулоҳазангизга таянган ҳолда иш тутинг. Муҳаббатда фақат оқимга қарши сузсангизгина ғалабага эришасиз.

ЧАЁН (24. 10 — 22. 11)

12 феврал куни атрофингизда бўлиб ўтаётган яхши, ёмон лаҳзаларни ҳис эта билинг. Ҳар бир қадамингизни чуқур таҳлил этиб, мушкул вазиятлардан осон йўл билан чиқиш усулларини қидиринг. Оиласизлар бугун сафарга отланишади ва сафар давомида бўлғуси бахтини топишади. Бу сафар ҳаётга бўлган муносабатларингизни яхши томонга ўзгартиради. Молиявий муаммолар кечқурун ҳал бўлади. Ҳойнаҳой, кимдир сизга анча олдин олган қарзини қайтарса керак.

ЎҚОТАР (23. 11 — 21. 12)

Бугун асосан ташкилий ишлар, жамиятдаги обрўйингизни мустаҳкамлаш ва рўзғор ташвишларини бартараф этиш билан банд бўлишингиз мумкин. Агар кимдир сиздан муҳим ҳужжатларни расмийлаштиришда кўмак сўраб мурожаат этса, бу ҳужжатларни аввал яхшилаб ўрганиб чиқинг. Шахсий ҳаётда ҳам янги тартиб ўрнатиш пайида бўлинг. Кун давомида асабийлашиш, шамоллаш кабилар сизни безовта қилиб ўтиши кутилади. Ҳар бир ўтаётган лаҳзадан завқ олишга ҳаракат қилинг.

ТОҒ ЭЧКИСИ (22. 12 — 20. 01)

12 феврал куни яқин орада ўзингиз жанжаллашиб қолган одам ҳақида эслаб қоласиз. Бу хотиралар асабингизни қақшатиши тайин. Тез фурсатда бу каби ёқимсиз хотираларни миядан чиқариб ташламасангиз, бошингиз муаммодан чиқмай қолиши ҳеч гап эмас. Иш жойингизда ҳамкасблар билан жанжаллашмасликка иложи борича ҳаракат қилинг. Шахсингизни ҳақорат қилишларига йўл қўйманг. Кечқурун албатта тоза ҳаводан тўйиб нафас олишни унутманг.

ҚОВҒА (21. 01 — 19. 02)

Кунингизни том маънода ажойиб кечади деб бўлмайди. Чунки ишларингиз бошингиздан ошиб-тошади. Раҳбарлар зиммангизга турли вазифаларни юклаб ташлашади. Бироқ бу профессионаллигингизни яна бир карра ўзгаларга намойиш этишингиз учун қулай имконият ҳисобланади. Шунинг баҳонасида яқин келажакда юқори лавозимга муносиб деб топилишингиз эҳтимолдан узоқ эмас. Молиявий масалада кўпроқ топиб, камроқ йўқотиш усулини ўйлаб топинг. Албатта бирингиз икки бўлади.

БАЛИҚ (20. 02 — 20. 03)

12 февралда жуда кўпчилик билан мулоқотда бўлишингиз, кимларгадир қимматли маслаҳатлар бериш билан банд бўлишингиз кутилмоқда. Сиз маслаҳат берадиганлар сизга қаттиқ ишонишлари қувонарли. Оилада бугун муаллим вазифасини ўташингизга тўғри келади. Кечқурун оиласи йўқлар романтик лаҳзалардан росманасига завқ олишлари кутилади.

Хушвақт бўлинг! Ҳаммавақт бўлинг!

О. ҲАЙИТ тайёрлади