Қордан масжид қурилди

0

Татаристоннинг Буинск туманидаги маҳаллий аҳоли ўртасида қордан орзудаги масжид макетини ясаш бўйича танлов ўтказилмоқда. Бу ғоя бўш вақти кўп бўлган нуронийлар ва нафақадаги кексалар томонидан, айниқса, мамнуният билан қарши олинди. Черки-Кулдурази қишлоғининг имоми бошчилигидаги аҳолиси биринчилардан бўлиб қатнашиш истагини билдирди.

Биринчи кун улар трактор ёрдамида макет ясаш учун масжидларининг қаршисига қор уюшди. Кейин унинг кичрайтирилган нусхасини ясашди. Танловда иштирок этаёганларнинг сўзларига кўра, уларга бундай ижод тури билан шуғулланиш жуда ёқди, шу сабабли қордан масжид макетини ясаш уларга завқ бағишлади. «Fitrat.uz»нинг “Татар-информ”га таяниб хабар беришича, масжид жамоаси ўз намуналари билан ғолиб бўлишга умид қилмоқда.

 

manba: azon.uz