Туркча «пиде»

0

Керакли масаллиқлар: 500 г ун, 2 дона тухум хамир учун, 2 дона тухум начинка учун ва яна тайёрламоқчи бўлган пиделарингизнинг сонига қараб ўшанча тухум, 2 ош қошиқ сметана, 3 ош қошиқ ёғ, 250 мл илиқ сув, 11 г хамирюмшаткич, 3 чой қошиқ шакар, 100 г пишлоқ, 2 дона помидор, 2 ош қошиқ томат пастаси, туз ва кўкатлар.

Тайёрланиши:

1. 2 дона тухумни ёғ ва сметана билан аралаштиринг. Илиқ сув қўшинг.

2. Сўнг хамиртуруш солинг. Ортидан 3 чой қошиқ шакар ва озгина туз қўшинг.

3. 500 г унни элакдан ўтказиб, секин-секин солинг ва хамир қоринг. Хамирни озгина ёғлаб, иссиқ жойда 30-40 дақиқага қолдиринг.

4. Хамир ошгач, уни 10-12 қисмларга бўлиб чиқинг ва ҳар бирини думалоқланг. Қайиқ шаклидаги хамир ясанг.

Ичига:

1. Пишлоқни қирғичдан ўтказинг. Помидорни думалоқ шаклда тўғранг.

2. Хамирга аввал томат соуси солинг, сўнг устидан пишлоқ сепиб, ҳар бир пидега 1 тадан тухум чақинг.

3. Устидан помидор бўлакларини қўйинг. Кўкатлар сепишингиз ҳам мумкин. 200 даража ҳароратда 20-30 дақиқа давомида газ печида пиширинг.

Facebook'даги саҳифамизда янгиликларни кузатиш янада қулай!

Марҳамат! Аъзо бўлиш учун "Нравится страница" тугмасини босинг: