АҚШ президенти ўтказган ифторликда Ўзбекистон элчиси ҳам иштирок этди (фото)

0

Президент Доналд Трамп 6 июнь куни Оқ уйда илк бор ифтор дастурхонини ёзиб, мусулмон аҳлини Рамазон ойи билан қутлади.

“Дунё бўйлаб дўстларимиз ва иттифоқчиларимиз номидан келишган дипломатик корпус вакилларини, мусулмон давлатларидан элчиларни мамнуният билан кутиб олдик. Оқ уйга қадам ранжида қилганингиз учун ташаккур”, – деди Трамп меҳмонларга.

Президентнинг айтишича, ифтор дастурхони “дунёдаги буюк динлардан бирининг муқаддас анъанасини шарафлайди”.

Оқ уйда ифтор бериш анъанаси Президент Билл Клинтон даврида бошланган. Бу сафарги ифторда мусулмон мамлакатлар, хусусан, Марказий Осиё давлатларининг Вашингтондаги бош дипломатлари, жумладан, Ўзбекистон ва Қозоғистон элчилари, сиёсатчилар ҳамда уламолар қатнашди, деб ёзмоқда «Халқ сўзи нашри».

“Ифтор оила ва дўстлар даврасида тинчлик, равшанлик ва муҳаббатни нишонлаш учун имконият. Энг буюк қадриятларимизни ёдга олиб, неъматлар учун, Яқин Шарқ бўйлаб ҳамкорларимиз билан қурилган янгича муносабатлар учун миннатдорчилик билдирамиз”, – дейди Трамп мурожаатида.

Оқ уйдаги ифторда 30-40 киши қатнашгани маълум, меҳмонларнинг тўлиқ рўйхати эълон қилинмаган.

Facebook'даги саҳифамизда янгиликларни кузатиш янада қулай!

Марҳамат! Аъзо бўлиш учун "Нравится страница" тугмасини босинг: