КУН КУЛГИСИ…

0

 

 

* * *

 

 

Биринчи синфда ўқийдиган Марайимжон уйга хомущ ҳолда қайтди. Онаси ундан сўради:

— Нима бўлди, арслоним? Бугунам «икки» баҳо олдингми?

Марайимжон қовоқ уйган кўйи жавоб қилди:

— Ҳа-а… Тезроқ пенсияга чиқсайдим…

 

 

* * *

 

 

80 ёшли қария врачга деди:

— Аҳволим зўр. 18 ёшли жазманим бор. Ҳадемай фарзанд туғиб беради. Бунга нима дейсиз?

— Биласизми, сизга бир воқеани айтиб берай. Овчи бир куни овга кетаётиб милтиқ ўрнига адашиб ёмғирпўш олибди. Кетаётса, олдидан айиқ чиқиб қолибди. Овчи шартта ёмғирпўшни очибди-да, айиққа тўғрилаб тугмачасини босибди. Ишонасизми, айиқ шундоқ оёқлари остига йиқилиб жон берибди.

— Э, балки, бошқа овчи отиб ўлдиргандир айиқни?

— Ана, энди ўзингизга келдингиз. Мен ҳам сизга худди шуни тушунтирмоқчийдим.

 

 

* * *

 

 

— Ўртоқ бошлиқ, ҳамкасбимиз оламдан ўтибди. Ўшанинг жойини эгалласам бўладими?

— Розиман. Фақат қабристон қоровули билан ҳам келишиб олинг!

 

 

* * *

 

 

— Кечирасиз, бу шернинг одамхўр эканини қандай пайқадингиз?

— Кўз қарашлари хотинимникига ўхшаркан.

 

 

* * *

 

 

Дарвозадаги ёзувдан:

— Дарвозани қаттиқроқ тақиллатинг! Итимизнинг қулоғи оғир.

 

 

* * *

 

 

Боғча тарбиячиси қизалоқдан сўради:

— Одам ақллими, жониворларми?

— Жониворлар.

— Нега?

— Мен итим билан гаплашсам тушунади. У гапирганда эса, мен ҳеч нарсани тушунмайман.

 

 

* * *

 

 

Қиш. Ярим тун. Қор бўралаб ёғяпти. Айиқ ўрмонда изғиб ўзини ўзи койияпти:

— Эҳ, нега сентябрда қаҳва ичдим-а?

 

 

* * *

 

 

— Оғайни, Грецияда бўлганмисан?

— Бўлганман.

— Кипрда-чи?

— У ердаям бўлганман.

— Қаерда дам олган маъқулроқ?

— Билмадим. Мен доимо болаларим ҳамда хотиним билан бирга дам олганман.

 

 

* * *

 

 

Икки кар суҳбатидан:

— Сен балиқ овига кетяпсанми?

— Йўқ, мен балиқ овига кетяпман.

— Ҳа-а, мен балиқ овига кетяпсанми деб ўйлабман.

 

 

* * *

 

 

Еврейдан дўсти сўради:

— Моня, ишларинг қалай?

— Ёмонмас. Аста-секин тирикчилик қилиб юрибман. Мана, гараж сотиб олиб хотинимнинг номига расмийлаштирдим. Эртадан уни қайнонамга ижарага бераман.

Олимжон ҲАЙИТ тайёрлади

Facebook'даги саҳифамизда янгиликларни кузатиш янада қулай!

Марҳамат! Аъзо бўлиш учун "Нравится страница" тугмасини босинг:

ФИКР БИЛДИРИШ

Please enter your comment!
Please enter your name here