Факт: Равшан Эрматов рекорди яқин 4 йил ичида янгиланмайди

0

Ўзбекистонлик ФИФА ҳаками Равшан Эрматов ЖЧ-2018 ўйинларини бошқаришда давом этадиган ҳакамлар рўйхатига киритилмагани тўғрисида маълум қилган эдик. Аммо, айни натижалари билан ҳам ўзбек ҳаками жаҳонда тенги йўқ бўлиб турибди.

Айни пайтда, Равшан Эрматов жаҳон чемпионатларида 11та ўйинни бошқарган ва бу борада дунё рекорди эгаси ҳисобланади.

Бу кўрсаткич бўйича унга яқин турган ҳакамлардан бири аргентиналик Нестор Питана бўлиб, у чоракфиналдан ўрин олган Уругвай – Франция ўйинига тайинланган. Бу 42 ёшли ҳакам учун жаҳон чемпионатларидаги 8-ўйин бўлади. Агар Питана яримфинал ва финалга тайинланган тақдирда ҳам Эрматов рекордига етолмайди.

Шу тариқа, Равшан Эрматов рекорди камида кейинги жаҳон чемпионатигача сақланиб қолади, деб ёзмоқда Tribuna.uz.

Facebook'даги саҳифамизда янгиликларни кузатиш янада қулай!

Марҳамат! Аъзо бўлиш учун "Нравится страница" тугмасини босинг: