ОЙМОМАЖОН…

0

 

 

***

Неча баҳорим ўтди гул атрига бегона,

Шамолдайин шошгани — йўл қадрига бегона,

Қайси ошиқ, ахир, айт ишқ дардига бегона,

Оймоможон, ўзингни сўроқлардан изладим.

***

 

Пайкармидинг, билмадим, сувларда оққим келди,

Балиқларга айланиб ортингдан чопгим келди,

Эҳ, билсайдинг, шунчалар ўзингга ёққим келди,

Оймоможон, ўзингни қирғоқлардан изладим.

***

 

Қайларга урай бошим, доғларга етолмасман,

Қадгинамни дол қилган тоғларга етолмасман,

Шунчалар соғинтирган ёқларга етолмасман,

Оймоможон, тўзимни йироқлардан  изладим.

***

 

Тўзиб кетди хаёлим, тўзон бўлиб қолдим мен,

Ўз қалбимга сиғмайин зиндон бўлиб қолдим мен,

Ҳасратларга кўмилган армон бўлиб қолдим мен,

Оймоможон, ўзингни фироқлардан изладим.

Олимжон ҲАЙИТ

Facebook'даги саҳифамизда янгиликларни кузатиш янада қулай!

Марҳамат! Аъзо бўлиш учун "Нравится страница" тугмасини босинг:

ФИКР БИЛДИРИШ

Please enter your comment!
Please enter your name here