Наҳотки?! Эндиликда бир вақтнинг ўзида бир нечта ОТМга ҳужжат топшириши мумкин бўлади!

0

Эндиликда Ўзбекистондаги барча абитуриентлар бир вақтнинг ўзида бир нечта ОТМга ҳужжат топшириши мумкин бўлади. Фақат бу 2021 йилгача инновацион ривожлантириш стратегияси лойиҳасида назарда тутилган. Бу ҳақда “Qalampir” нашри хабар бермоқда.

Унга кўра, инновацион ривожланиш вазирлиги томонидан ишлаб чиқилган стратегияни тасдиқлаш бўйича президент фармони лойиҳаси Норматив-ҳуқуқий ҳужжатлар лойиҳаларининг муҳокамаси порталида эълон қилинди.

Лойиҳада абитуриентларга бир вақтнинг ўзида бир нечта олий таълим муассасасига ҳужжат топширишга рухсат бериш масаласи алоҳида банд билан таклиф қилинган.

Маълумот ўрнида, айни дамда ўзбекистонлик абитуриентлар фақатгина битта олий ўқув юртига кириш учун ҳужжат топшириши мумкин.