КУН КУЛГИСИ…

0

 

* * *

 

— Дадаси, мен сизга фақат икки пиёлагина ичкилик ичинг-да, кечқурун соат ўн бўлмасдан уйга етиб келинг демаганмидим?

— Шунақа деганмидинг? Уф-ф, гапларингнинг ўрнини алмаштириб қўйибман!

 

* * *

 

Эркак алоқа бўлимига жўнатма жўнатиш учун келди. Ҳеч ким йўқ. Ходима газета ўқиб ўтирарди.

— Кечирасиз… — деди эркак…

Сўзини тугатмасдан ходима бақирди:

— Навбатга туринг!..

— Ахир…

— Навбатга туринг дедим!..

Эркакнинг жаҳли чиқиб ходиманинг юзига туфлаб юборди. Аёл жаҳл билан ўрнидан турди-да, титраб-қақшаб деди:

— Бу нима қилганингиз? Ҳозир милиция чақираман!

— Ие, сиз мени тупурди деб ўйладингизми?.. Қаранг, навбатда қанча одам турибди!

 

* * *

 

Масхарабоз психиатр ҳузурига келиб сўради:

— Нега одамлар менинг устимдан кулаверади?

 

* * *

 

— Бўпти, ўртоқ бошлиқ, сиздан кетиб циркка ишга жойлашаман. Акробатларнинг кетидан супураман.

— Уларнинг кетидан ниманиям тозалардинг?!.

— Сиз ҳам ўттиз метрдан пастга сакраб кўринг-чи!..

 

* * *

 

— Дўхтир, виждонни ҳам операция қила оласизми?

— Ҳа, фақат пулини олдиндан тўлайсиз.

 

* * *

 

— Дўхтир, мен радиоман!

— Сиз менгамас, психиатрга киринг!.. Айтганча, тўхтанг, эртанги об-ҳавони эшитиб олай!

 

* * *

 

Бош репетиция тугагач, кимдир бастакордан сўради:

— Хонанда қўшиқни қўлидан келганича ижро қилди. Нега уни мақтаб қўймадингиз?

Шунда бастакор қўшиқчига яқин борди-да, унга қўл узатиб деди:

— Азизим, мен сиздан хафаман!

 

* * *

 

Руҳий хаста аёл палатадошига деди:

— Мен ҳомиладорман! Уч эгизакли бўларканман.

— Қаердан билдинг?

— Уч марта ҳомиладорликка тест топширгандим. Уч мартасидаям ҳомиладор бўлиб чиқдим.

 

* * *

 

Эр уйга келиб остонаданоқ хотинига қичқирди:

— Хотинжон, ейишга бирор ниманг борми? Қорним сурнай чаляпти!

— Музлаткични очиб кўринг, нима бўлса, олиб еяверинг!

Музлаткични очиб кўрган эр яна қичқирди:

— Оҳ, ўзимнинг пазандагинам! Манави музларни ўз қўлларинг билан пиширдингми?

 

* * *

 

Йигит дўстига ҳасрат қиляпти:

— Менга қара, бир нарсани тушунмайман. Уйланмасимдан олдин кўчага чиқсам, бирор аёл ёки қиз менга қайрилиб ҳам қарамасди. Уйландим-у, ташқарига чиқсам, уларнинг ўзлари гап отадими-ей, танишишни таклиф қиладими-ей!.. Бунинг сири нимада экан-а?

— Эҳ, бунинг сири шундаки, уйлангандан сўнг сен оппоқ, дазмолланган кўйлакда, соқолларинг қиртишлаб олинган, сочларинг силлиқ таралган, умуман, ўзингга етарлича оро берган ҳолда кўчага чиқа бошладинг.

Олимжон ҲАЙИТ тайёрлади