Ислом Каримовнинг ўз онаси ҳақида айтган гаплари (видео)

0

Ўзбекистон Биринчи Президенти Ислом Каримовнинг оналари — Санобар Каримова (1902—1982) саккиз нафар фарзандни дунёга келтириб, ўз ҳаётларини уларнинг тарбиясига бағишлаганлар. Бу ҳақда Каримов фондининг Facebook’даги саҳифасига таяниб Daryo.uz нашри ёзмоқда.

Ислом Каримовнинг волидалари Санобар ая неваралари билан.

«Биринчи Президент ҳамиша оналарини катта меҳр билан ёдга олардилар. Айниқса, ойиларининг овқат пиширишлари, хамир қориб, ёйишлари кўзлари олдидан тез-тез ўтишини кўп такрорлар эдилар.

Ислом Абдуғаниевич болалик чоғлари ойилари бозорга борганларида ёки қариндошлари ҳолидан хабар олганларида ҳамиша уларга ҳамроҳлик қилишларини айтиб ўтганлар.

У киши ўз оналари ниҳоятда доно ва заковатли аёл бўлганларини сўзлаб берардилар. Ўғиллари Тошкентдан Самарқандга улардан хабар олгани келганларида, Санобар ая юртимиз ва дунёда содир бўлаётган ҳодисалардан ҳамиша қизиқиб сўрар эканлар», — дейилади хабарда.