Макгрегор: Нурмагомедов майда бўлакларга сочилиб кетади

0

Аралаш йўналиш (MMA) бўйича ирландиялик жангчи Конор Макгрегор россиялик Ҳабиб Нурмагомедов билан жанг ҳақида ўз фикрларини билдириб ўтди.

30 ёшли ирландиялик Мутлақ жангчилар чемпионатининг (UFC) амалдаги чемпионини «синдириб ташлашга» ваъда берди.

«Мен уни яхшилаб дўппослайман, уни синишга мажбур қиламан. У майда бўлакларга ажралиб кетади. У зарбаларни яхши қабул қила олади, деб ўйламайман», – дея ирландияликнинг сўзларини келтиради «Би-би-си».

Нурмагомедов – Макгрегор жанги 6 октябрь куни Лас-Вегасда бўлиб ўтади.

Эслатиб ўтамиз, аввалроқ Макгрегорнинг мураббийи Ҳабиб Нурмагомедовдаги муаммоларни эслатганди.