Аллергияни мумкатак ёрдамида даволаш мумкин

0

 

Бошидан ўтган табиб

 

Тахминан 1977 йилларда аллергиядан жуда қаттиқ азоб чека бошладим. Эрта тонгда уйғонишим билан ўн марталаб тинимсиз акса урардим. Бу пайтда бурним ва кўзимдан шашқатор ёш оқарди. Шу боис ҳар доим ёнимда бир нечта дастрўмол юрарди.

Бора-бора ҳар хил ҳид ва қуёш нури туфайли акса уришим кучайиб кетди. Натижада доимий акса уриш кучли бош ва қорин оғриғини қўзғай бошлади.

Аллергияга қарши халқона усуллар ёрдамида етти йил курашдим. Табиийки, ҳеч нима ёрдам бермади. Аллергия қандай бўлса, шундайлигича қолаверди.

Кунларнинг бирида бир аёл менга забрус сотиб олишни тавсия этди. Забрус — бу асалари мумкатак оғзини бекитадиган қопқоқ.

Менга халқона рецепт асосида аллергияга қарши курашнинг бу усулига ишонишдан бошқа чора қолмаганди. Забрус қабул қила бошладим. Гоҳ чойга қўшиб ичсам, гоҳ уни шунчаки чайнаб юрардим.

Аста-секин аллергия ҳақиқатан ҳам йўқола бошлади. Саломатлигим тикланганини 2 кг забрус истеъмол қилганимдан сўнггина ҳис этдим. Тахминан 6-8 ой ичида эса аллергия бутунлай йўқ бўлиб кетди.

Эргашбой КАМОЛОВ

Самарқанд вилояти

(“7 Мўъжиза” хазинасидан)