Хабибнинг отаси ўғлини қаттиқ жазолашга ваъда берди

0

MMA’даги россиялик жангчи Ҳабиб Нурмагомедовнинг отаси ва мураббийси Абдулманноп жангдан кейинги муштлашув учун ўғлини жазолашга ваъда берди. У бу ҳақда «Рен ТВ» телеканалига айтиб ўтди дея хабар қилмоқда Kun.uz нашри.

«Сен октагонда нима хоҳласанг, шуни қилишинг мумкин. Ундан ташқарида – болалар, аёллар, бегона одамлар. Менинг жамоам ҳар доим интизоми билан машҳур бўлган, шунинг учун Ҳабибга қарши санкциялар UFC’дан ҳам қаттиқроқ бўлади», – дея айтиб ўтди катта Нурмагомедов. Унинг қўшимча қилишича, рўй берган ҳодиса учун масъулдир.

7 октябрь куни тонгда ўтказилган UFC 229 турнирининг асосий жангида Ҳабиб Нурмагомедов Конор Макгрегорни 4-раундда бўғиш усули билан таслим этди. Жанг якунида доғистонлик октагондан сакраб чиқди ва ирландиялик рақибининг мураббийи Диллон Дэннисга ташланди. Худди шу вақтда унинг жамоаси аъзолари октагон ичига кириб Макгрегорнинг ўзига ҳужум қилишди. Жанжал полициячилар аралашуви билан тўхтатилди.