Асир олинган 8 нафар ИШИД жангарилари орасида ўзбекистонликлар ҳам борлиги аниқланди (фото)

0

Курдларнинг Сурияда фаолият олиб борувчи Миллий мудофаа отрядлари (YPG) ИШИДнинг 8 нафар жангарисини асирликка олганини маълум қилди, деб ёзмоқда Qalampir нашри.

ИШИД террорчилари Дейр аз-Зор шаҳри яқинида қўлга олинган. Бу ҳақда YPG’нинг ижтимоий тармоқдаги саҳифасида маълум қилинган.

Асирга олинганлар орасида 58 ёшли Одил Раҳимов, 28 ёшли Фарҳод Қодиров (Ўзбекистон), 30 ёшли Саттибек Ошибаев (Қозоғистон), 16 ёшли Солай Ноа Су (АҚШ), 22 ёшли Муҳаммад Давлат (Тожикистон) 27 ёшли Асқар Зарманбетов (Украина), 31 ёшли Лукас Глаб (Германия) ва 30 ёшли Бегжан Бимураев (Россия) бор.

“Террорчилар Сурия шарқига ҳужум тайёрлаганди”, дейилади YPG хабарида. Уларнинг бари 6-7 январь кунларидаги амалиётда қўлга олинган.