Ўзбекистонда пенсия ва нафақа олувчилар сони 3 485,9 минг нафарга етган

0

Ўтган йил давомида 330,5 минг нафар фуқарога пенсия ва ижтимоий нафақалар тайинланган бўлиб 2019 йил 1 январь ҳолатига жами пенсия ва нафақа олувчилар сони 3 485,9 минг нафарга етган, яъни умумий аҳолининг 10,6% ни ташкил этади.

Ўзбекистон Республикаси Молия вазирлиги ҳузуридаги Пенсия жамғармаси томонидан 2019 йилнинг 8 февраль куни “Бюджетдан ташқари Пенсия жамғармаси томонидан 2018 йилда амалга оширилган ишлар ҳамда 2019 йилга белгиланган асосий вазифалар” мавзуида ўтказилган матбуот анжуманида шу ҳақда маълум қилинди.

Шундан, 3 163,1 минг нафар пенсия ва 322,8 минг нафар ижтимоий нафақа олувчиларга тўғри келади.​

Ўзбекистон Республикаси Президентининг 2017 йил 28 декабрдаги ПФ-5291-сон Фармонига асосан 2018 йил 1 январь ҳолатига 65 ёш ва ундан ошган ҳамда 2010 йилга қадар пенсия тайинланган фуқароларни пенсиясида аниқланган ортиқча тўловлар қарздорликлари ҳам ҳисобдан чиқарилди.

ФИКР БИЛДИРИШ

Please enter your comment!
Please enter your name here