КУН КУЛГИСИ…

0

 

 

* * *

 

Ота ўғлидан сўради:

— Зоологиядан аъло баҳо олибсанми?

— Ҳа.

— Қайси саволга жавоб бердинг?

— Устозим туяқушнинг оёғи нечталигини сўради.

— Нима деб жавоб бердинг?

— Туяқушнинг оёғи учта дедим.

— Тўхта, туяқушнинг оёғи иккита-ку!

— Ҳамма гап шунда-да! Бошқалар туяқушнинг оёғи тўртта деб жавоб беришди.

 

* * *

 

Тўрт яшар бола онасига деди:

— Бугун боғчамизда бизни дўхтир текширди.

— Нимани текширди?

— Нафас олаётган-олмаётганимизни текширди.

 

* * *

 

— Алло! Бу жониворларни ҳимоя қилиш жамиятими?

— Ҳа.

— Тез ходимингизни бизникига жўнатинг!

— Нега?

— Почтачи дарахтга чиқиб олиб итимни ҳақорат қиляпти.

 

* * *

 

Милиция бўлимига ранги оқариб кетган эркак келиб деди:

— Ёрдам беринг! Уйимга ўғри тушди! Искович ит жўнатинглар!

— Узр, бунинг иложи йўқ.

— Нега?

— Искович итларимиз милиция бўлимидаги буфетдан колбаса ўғирлагани сабабли қамоққа олинган.

 

* * *

 

Олти яшар болакай бобосига деди:

— Бугун кечаси мушугимизнинг туғилган куни бўлди.

— Ие, бу гапни қаердан олдинг? ъ

— Ҳа-а, шундай бўлди. Ярим кечаси ҳовлига кў-ўп мушуклар тўпланиб роса ашула айтди.

 

* * *

 

Олти яшар болакай сигир суғораётган одамни кузатиб турди-да, ўзича мулоҳаза қилди:

— Ҳа-а, сигир сутига сувни шундай йўл билан аралаштиришар экан-да!

 

* * *

 

Бир бола дўстига деди:

— Биласанми, итимиз ўлгудек қўрқоқ. Эшик тақиллади дегунча каравот остига беркиниб олаверади.

— Сенга нима? Қўявер, беркинса беркинар!

— Ие, каравот остига иккаламиз сиғмаймиз-да!

 

* * *

 

— Азизим, 8 мартда менга нима совға қиласиз?

— Ҳеч нарса совға қилмасам-чи?

— Унда 14 январда сиз ҳам ҳеч қандай совға олмайсиз!

— Ростданми? Келишдик!

 

* * *

 

Эр хотинига деди:

— Сенга костюмимни дазмоллаб қўй дегандим-ку!

— Дазмоллаганман.

— Бекорларни айтибсан! Ўнг чўнтагида битта юз долларлик пул бор эди, ҳалиям турибди.

 

* * *

 

Қушлар кўргазмасида учта тўтиқуш сотувга қўйилган. Бирининг нархи юз минг, иккинчисиники беш юз минг, учинчисиники эса бир миллион сўм. Харидорлардан бири сўради:

— Нега манави тўтининг нархи юз минг сўм?

— У иккита тилда бемалол гапиради.

— Беш юз минг сўмлиги-чи?

— У учта тилда гапиради.

— Хўп, у ҳолда анави тўтининг нархи нега бир миллион сўм? У қандай каромат кўрсатади?

— Ҳеч қандай каромат кўрсатмайди. Бу тўти анави иккаласининг бошлиғи.