ПАРРАНДА ГЎШТИ САРАТОН ХАСТАЛИГИДАН АСРАЙДИ…

0

 

Америкалик олимлар ўз изланиш натижаларидан келиб чиқиб, парранда гўштини доимий равишда меъёрида истеъмол қилиш кўкрак саратонидан асрашини аниқлашди. Тадқиқотларда 42 минг нафар аёл иштирок этди. Етти йил давомида олимлар уларнинг овқат рационини назорат қилишди. Маълум бўлдики, ким парранда гўштини узлуксиз истеъмол қилган бўлса, кўкрак саратони хавфидан йироқ бўлди. Аниқроқ айтганда, парранда гўшти еганлар бу гўштни истеъмол қилмаганларга нисбатан 20 фоиз бу хасталик хавфидан нари кетишибди. Ҳозирча олимлар нима учун айнан парранда гўшти кўкрак саратонидан асраши, таркибидаги қайси модда шундай хусусиятга эгалигини эълон қилишмади. Улар маълумот беришдан олдин яна бир марта тадқиқот ўтказишни режалаштиришган.