ҚАНДЛИ ДИАБЕТНИНГ ДАСТЛАБКИ БЕЛГИЛАРИ…

0

 

«The Global Diabetes Community» компанияси мутахассислари қандли диабетнинг дастлабки белгилари ҳақида сўз юритди. Уларнинг хулосаларига кўра қандли диабет биринчи навбатда организмда доимий чарчоқ пайдо бўлишига олиб келади. Биз эса бу ҳолатни стресс ҳолатлар, кам ухлаш, оғир меҳнат қилганлик кабиларга йўйиб қўя қоламиз.

Олимлар айтдики, қандли диабетнинг дастлабки пайдо бўлиш палласида қондаги глюкоза ва инсулин миқдори меъёрида бўлмаслиги кузатилади. Инсулин керагидан кам ҳам, ёки аксинча кўп ҳам бўлиши мумкин. Тўқималар эса бундай номутаносибликка ўрганмаган бўлиб чиқади. Қондаги қанд тўқималарга етиб бормайди. Шунинг натижасида организм ўзига керакли қувватни ола билмайди. Шу нарса бизда чарчоқ ҳолатини келтириб чиқаради. Бундан ташқари, қандли диабетнинг дастлабки белгилари оғиз бўшлиғи қуриши, чанқаш, вазн йўқотиш, жароҳатларнинг ўз вақтида бита қолмаслиги, кечалари тез-тез сийиш, кўриш қобилияти пасайиши кабиларда кузатилади.