Хитойликлар Ойнинг бизга кўринмас тарафидан фанга номаълум жисмни топишди…

0

 

Хитойнинг Ойга учирилган «Юйту-2» фазо ускунаси ер йўлдошининг бизга кўринмас тарафидаги кратерлар суратларини юборганди. Олимлар уларни ўрганиш жараёнида кратерлардан бирида ҳали фанга умуман номаълум бўлган фазо жисми борлигини аниқлашди.

Фазо ускунасининг корпусига «Visible and Near-Infrared Spectrometer (VNIS)» деб номланган спектрометр ўрнатилганди. У ер йўлдошида бизга нотаниш жисмлар учраса, таркиби, аслида нималиги ҳақида маълумот етказади. Аммо янги топилган жисмни спектрометр ҳам аниқлай олмади. Унинг ранги ҳам қандайдир бошқача эди. Мутахассислар янги топилган жисмни ўрганишга киришишган. Яқин вақтлар ичида изланиш натижалари эълон қилинади.