Россия университетларидан бирининг ўзбекистонлик талабаси врачлар хатоси билан комага тушиб қолди…

0

 

Россия пойтахти Москва шаҳридаги халқлар дўстлиги университетида таълим олаётган самарқандлик 22 ёшли Ўлмасхон Баҳронов 20 август куни бурнидан қон келиши оқибатида клиникалардан бирига ётқизилган. Аммо орадан ҳеч қанча ўтмай, аҳволи оғирлашиб жонлантириш бўлимига ўтказилган. Худди ўша ерда Ўлмасхон комага тушиб қолган.

Россиядаги Ўзбекистон элчихонаси, республика ташқи ишлар вазирлиги вакиллари вазиятни ўз назоратига олишган. Улар клиника врачлари билан учрашиб, беморга қайтадан ташҳис қўйишларини сўрашди. Россия соғлиқни сақлаш вазирлигидагилар билан шу масалада гаплашишди. Улар юқори малакали врачлар клиникага келиб Ўлмасхонни қайта тиббий кўрикдан ўтказиши ва шунга қараб муолажа белгилашларини ваъда қилишган.

Талабанинг онаси Ҳилола Шукруллаева ҳам врач экан. У Москва клиникасидагиларни ўғлига нотўғри ташҳис қўйганлик ва шунинг оқибатида буткул бошқа дорилар белгилаганликда айбламоқда.