15 суткалик қамоққа етаклаган хомхаёл

0

Суд қарорининг ижросини таъминламаганлиги учун фуқаро тегишли жазосини олди. Аниқроғи, Бюро давлат ижрочилари томонидан огоҳлантиришларига қарамай қарздор ота алимент пулларини тўламаган. Шу сабабли Ў. Ботировга Сардоба туман маъмурий судининг қарорига асосан 15 сутка қамоқ жазоси берилди.

Фуқаролик ишлари бўйича Жиззах туманлараро судининг қарорига асосан, қарздор Ботиров Озодбек Рахматилла ўғлидан ундирувчи Ботирова Севара Равшановна фойдасига 1/4 қисм миқдорида алимент ундириш белгиланганди. Аммо фуқаро оталигини унутди ва турли важлар билан алимент пулларини тўлашни ортга сураверди.

Бироқ қонун билан ҳимояланадиган бола манфаати давлат ҳимоясида экан, фарзандларнинг моддий таъминоти белгиланган муддатларда бажарилиши шарт. Масъулиятсиз ота эса буларнинг барчасини билиб туриб, “Пулим йўқ десам, қутуламан”, деб ўйлаган шекилли. Аммо адашди ва энди бу ишининг бадалини тўлашга мажбур.

 

ФИКР БИЛДИРИШ

Please enter your comment!
Please enter your name here