8 МАРТ. БАЙРАМ ҲАЗИЛИ…

    0

     

     

    ***

     

    — Аёл дугонасидан сўради:

    — Эринг 8 мартга нима совға қилди?

    — Зирак, балдоқ. Сенга-чи?

    — Квартиранинг калитини.

    — Ў, зўр-ку! Қачон кўчасан янги квартирага энди?

    — Билмадим. Ҳозирча квартиранинг калитини совға қилди холос. Квартиранинг ўзини ҳали сотиб олгани йўқ.

     

    * * *

     

    Болалар боғчасида 8 март байрами муносабати билан стол тузашди. Ширинликлар, ичимликлар бисёр. Ҳамма болалар хурсанд. Фақат бир болакай нуқул йиғларди. Тарбиячиси ундан сўради:

    — Болажоним, нега йиғлаяпсан? Тинчликми?

    Болакай баттарроқ йиғлаб жавоб қилди:

    — Қорбобо келмади-ку!..

     

    * * *

     

    Еврейдан хотини сўради:

    — 8 март байрамини ким ўйлаб топган экан-а?

    — Клара Цеткин билан Роза Люксембург.

    — Уларга 8 март байрами нега керак бўлдийкин ўзи?

    — Адашмасам, улар гулфуруш бўлишса керак.

     

    * * *

     

    Хотин эрига деди:

    — Азизим, бугун 8 март байрами. Унутмадингизми?

    — Нима?.. Яна-я???

     

    * * *

     

    8 март куни эр хотинига гулдаста тутқазиб деди:

    — Жоним, сен мана шу гуллар каби гўзал ва ажойибсан!

    — Мен олтин занжир каби гўзал ва ажойиб бўлсам керак деб ўйловдим.

    — Йўқ, сен мана шу гуллар каби гўзал ва ажойибсан.

     

    * * *

     

    Эр хотинига бақирди:

    — Менга қара, ўйнашларингни опкелишга опкелибсан уйга! Улар кетгандан кейин йиғиштириб қўйгин-да ҳаммаёқни! Мана, манави бўйинбоғ қайси ўйнашингники-а?

    — Нима? Қанақа ўйнаш? Бу бўйинбоғни ўзингизга 23 февралда совға қилдим-ку!.. Ундан кўра, сиз айтинг, манави лаб бўёғи кимники-а?

    — Вей, ҳаддингдан ошма! Бу лаб бўёғини сенга 8 март куни совға қилганман!

     

    * * *

     

    Еврей яқин дўстининг қизидан сўради:

    — Сара, даданг сенга 8 март байрамида нима совға қилди?

    — Дадам мен ва ойимга 200 доллардан пул совға қилди.

    — Ў, қойил! Хўш, ўша пулларни нимага ишлатдиларинг?

    — Ишлатмадик. Уйда «қора кун учун» деган қутичамиз бор. Ўшанга солиб қўйдик.

    — Қойил! Офарин! Айтганча, даданг долларларни қаердан олибди ўзи?

    — «Қора кун учун» деган қутидан.

     

    * * *

     

    Эр 8 март куни уйига келиб, қўлидаги ажойиб гулдастани хотинига тутқазиб деди:

    — Хотинжон, 8 март байрами билан сени чин дилдан қутлайман! Мана бу гулдаста сенга!

    — Раҳмат, азизим, раҳмат!

    — Мана бу пулларингнинг қайтими! Уларниям олиб қўй!

     

    * * *

     

    Еврей аёли 8 март куни эрталаб эрига деди:

    — Изя, бугун менга гулдаста совға қилмай турасан!

    — Нега, хотинжон?

    — Байрамдан кейин совға қиларсан. Байрамдан кейин гулларнинг нархи пастлаб кетади.

     

    * * *

     

    8 март куни эркак астойдил идиш-товоқ юваётган хотинига деди:

    — Жоним, ахир, бугун байраминг! Мириқиб дам ол! Қолганини эртага ювиб қўярсан!

    Олимжон ҲАЙИТ тайёрлади

     

     

     

    loading...