Дубайда сайёҳларга спиртли ичимлик ичишга расман рухсат берилди…

0

 

Дубай раҳбарлари шаҳарга ташриф буюрувчи хориж фуқароларига спиртли ичимлик харид қилиши учун 30 кунлик текин лицензия жорий этди. Лицензия олишнинг ўз талаб ва қоидалари бор. Масалан, спиртли ичимлик сотиб оладиган одамнинг ёши 21 дан кам бўлмаслиги, у Ислом динида бўлмаслиги керак.

Лицензия олиш учун сайёҳлар «Maritime and Mercantile International (MMI)» дўконлар тизимининг исталган шоҳобчасига паспорти билан кириб, махсус формани тўлдириши лозим. Бундан ташқари, паспорт ҳамда виза нусхаси ўша дўконда қолдирилиши талаб этилади. Барча ҳужжатлар расмийлаштирилгач, сайёҳнинг қўлига лицензия тақдим этилади. У бир ой давомида спиртли ичимлик сотиб олиш ва истеъмол қилиш ҳуқуқига эга бўлади. Бунга қадар сайёҳлар спиртли ичимликларни фақат бар, ресторан ва отеллардан сотиб олишарди.