Dinda savolim bor: «Jannatda namoz o'qiladimi?»

0
Savol: 
        – Assalomu alaykum! Odamlar jannatda xam namoz o'qishadimi? 2). Qiyomatda bir odam ummat bo'lishini eshitib qoldim. Rasululloh sollallohu alayhi vasallam bir odamni faqat o'zi ummat bo'ladi deganlarini eshitdim. U odam kim?
«Zikr ahlidan so'rang» hay'ati:

– Va alaykum assalom! 1). Xohlasalar.
2). Quyidagi hadisdan ulamolar har bir aql egasi birortasi unga yo'l ko'rsatmasada o'zi aqlini yuritib to'g'ri yo'lni topishi shart deganlar.

عَنِ ابْنِ عُمَرَ: أَنَّ زَيْدَ بْنَ عَمْرِو بْنِ نُفَيْلٍ خَرَجَ إِلَى الشَّأْمِ، يَسْأَلُ عَنِ الدِّينِ وَيَتْبَعُهُ فَلَقِيَ عَالِمًا مِنَ الْيَهُودِ، فَسَأَلَهُ عَنْ دِينِهِمْ، فَقَالَ: إِنِّي لَعَلِّي أَنْ أَدِينَ دِينَكُمْ، فَأَخْبِرْنِي. فَقَالَ: لَا تَكُونُ عَلَى دِينِنَا حَتَّى تَأْخُذَ بِنَصِيبِكَ مِنْ غَضَبِ اللهِ. قَالَ زَيْدٌ: مَا أَفِرُّ إِلَّا مِنْ غَضَبِ اللهِ، وَلَا أَحْمِلُ مِنْ غَضَبِ اللهِ شَيْئًا أَبَدًا، وَأَنَّي أَسْتَطِيعُهُ، فَهَلْ تَدُلُّنِي عَلَى غَيْرِهِ؟ قَالَ: مَا أَعْلَمُهُ إِلَّا أَنْ يَكُونَ حَنِيفًا. قَالَ زَيْدٌ: وَمَا الْحَنِيفُ؟ قَالَ: دِينُ إِبْرَاهِيمَ، لَمْ يَكُنْ يَهُودِيًّا وَلَا نَصْرَانِيًّا وَلَا يَعْبُدُ إِلَّا اللهَ. فَخَرَجَ زَيْدٌ فَلَقِيَ عَالِمًا مِنَ النَّصَارَى، فَذَكَرَ مِثْلَهُ، فَقَالَ: لَنْ تَكُونَ عَلَى دِينِنَا حَتَّى تَأْخُذَ بِنَصِيبِكَ مِنْ لَعْنَةِ اللهِ. قَالَ: مَا أَفِرُّ إِلَّا مِنْ لَعْنَةِ اللهِ، وَلَا أَحْمِلُ مِنْ لَعْنَةِ اللهِ وَلَا مِنْ غَضَبِهِ شَيْئًا أَبَدًا، وَأَنَّى أَسْتَطِيعُ، فَهَلْ تَدُلُّنِي عَلَى غَيْرِهِ؟ قَالَ: مَا أَعْلَمُهُ إِلَّا أَنْ يَكُونَ حَنِيفًا. قَالَ: وَمَا الْحَنِيفُ؟ قَالَ: دِينُ إِبْرَاهِيمَ، لَمْ يَكُنْ يَهُودِيًّا وَلَا نَصْرَانِيًّا وَلَا يَعْبُدُ إِلَّا اللهَ. فَلَمَّا رَأَى زَيْدٌ قَوْلَهُمْ فِي إِبْرَاهِيمَ  عَلَيْهِ السَلام خَرَجَ، فَلَمَّا بَرَزَ رَفَعَ يَدَيْهِ فَقَالَ: اللَّهُمَّ إِنِّي أَشْهَدُ أَنِّي عَلَى دِينِ إِبْرَاهِيمَ

Ibn Umar roziyallohu anhumodan rivoyat qilinadi:
«Zayd ibn Amr ibn Nufayl din to'g'risida so'rab-surishtirib, bilganlariga amal qilib, Shom tomon yo'lga chiqdi. Yahudiylardan bir olimni uchratib qolib, ularning dini haqida so'radi: «Ehtimol, men sizlarning diningizni tutarman, menga (dining haqida) aytib ber». U: «Toki Allohning g'azabidan o'z nasibangni olmas ekansan, bizning dinimizda bo'la olmaysan», dedi. Zayd: «Men o'zi Allohning g'azabidan qochib yuribman-ku! Hech qachon Allohning g'azabidan biror narsani ortib olmayman! Qanday ham bunday qila olardim? Meni bundan boshqasiga yo'llab qo'ya olasanmi?» dedi. U: «Men buni bilmayman, faqat haniflikkina* bo'lishi mumkin», dedi. Zayd: «Haniflik nimasi?» dedi. U: «Ibrohimning dini. U yahudiy ham, nasroniy ham bo'lmagan. U Allohgagina ibodat qilardi», dedi. Keyin Zayd yana yo'lga tushdi. U nasroniylardan bir olimni uchratib qoldi, unga ham o'sha gapni aytdi. Shunda u: «Toki Allohning la'natidan o'z nasibangni olmas ekansan, bizning dinimizda bo'la olmaysan», dedi. (Zayd) «Men o'zi Allohning la'natidan qochib yuribman-ku! Hech qachon Allohning la'natidan ham, g'azabidan ham biror narsani ortib olmayman! Qanday ham bunday qila olardim? Meni undan boshqasiga yo'llab qo'ya olasanmi?» dedi. U: «Men buni bilmayman, faqat haniflikkina bo'lishi mumkin», dedi. «Haniflik nimasi?» dedi. U: «Ibrohimning dini. U yahudiy ham, nasroniy ham bo'lmagan. U Allohgagina ibodat qilardi», dedi. Zayd ularning Ibrohim alayhissalom haqidagi gaplarini eshitib, yo'lga chiqdi va kenglikka chiqqach, ikki qo'lini ko'tarib: «Allohim! Guvohlik beramanki, albatta, men Ibrohimning dinidaman», dedi».

* Haniflik – Ibrohim alayhissalomning dini. «Hanif» so'zi aslida «qing'ir qadam bosadigan», «maymoq» degani bo'lib, Ibrohim alayhissalom o'z qavmining shirk dinidan yuz o'girgani uchun u kishini shunday deb nomlashgan edi. Keyin Alloh taolo bu sifatni nohaqlikdan haq tomon yurish mazmunida Ibrohim alayhissalom uchun maqtov qilib berdi va u kishi e'tiqod hamda amal qilgan tavhid dini shu nom bilan ataladigan bo'lib qoldi. (“Oltin silsila” kitobidan Sahihul Buxoriy). Vallohu a'lam!

loading...