* * *
Муаллима:
— Тошматвой, китобни ичингда ўқи, бошқаларга халал беряпсан!
— Устоз, ахир, мен ҳақимда бу ерда ҳеч нарса ёзилмаган-ку!
* * *
Тўрт эркак яп-янги «Запорожец»да кетишаяпти. Ҳамма ойналар ёпиқ. Терлаб кетишган. Шериклардан бири ҳайдовчига деди:
— Ойналарни очиб қўй, ҳозир бўғилиб ўламиз-ку!
— Қўявер, кўрганлар машинамизда кондиционер бор экан деб ўйлашади.
* * *
Янги бой машинасини техник кўрикдан ўтказаяпти. Инспектор сўради:
— Манави қизил тугмача нима?
— Бу ёмғирдан… Боссангиз…
— Тушундим, дарров машинанинг тепа қисми ёпилади.
— Йўқ, ёмғир ёғишдан тўхтайди.
* * *
Судья судланувчидан сўради:
— Нега бир дўконга уч маротаба ўғирликка тушдингиз?
— Биринчи марта хотинимга кўйлак олиб кетиш учун тушгандим. Хотинларни биласиз-ку, қайсар! Икки марта алмаштириб чиқишга тўғри келди.
* * *
— Оғайни, бу йил қаерда дам олиб қайтмоқчисан?
— Сибирда.
— Нега?
— Судья қўймаяпти.
* * *
Аёл сибирлик дугонасиникига меҳмонга келди. Қараса, стол остида сичқонлар юришибди.
— Вой, сичқонлар!.. Шимолдаям сичқон бўладими?
— Бу сичқонмас, сувараклар шуба кийиб олишган.
* * *
Жуҳуд оғайнисидан сўради:
— Шундай яхши соатни қаердан топдинг?
— Отам ўлимидан олдин сотган.
* * *
Ўқув машғулотлари пайтида сержант сездики, янги чақирилган аскарлардан бири тинимсиз титраяпти.
У сўради:
— Нега қалтираяпсан?
— Йўқ, мен қўрққанимдан қалтираётганим йўқ. Душман ҳали менинг бу ердалигимни билмайди. Билдириб қўйгим келяпти.
* * *
Эр-хотин қаригунча ким кимга қанча хиёнат қилса, қопга шунча ун солиб қўйишга келишиб олишди. Қаришгач, эр уялган кўйи кичкинагина қопчада ун кўтариб келиб хотинининг олдига ташлади.
— Қани, энди сен кўрсат-чи!
Кампир катта қанорда ун келтириб эрнинг олдига қўйди.
— Атиги шуми?
— Йўқ, ахир, бу қанордан ун олиб қанча марта сизга нон пишириб берганман!
* * *
Севишганлар майсалар устида ўтирганча суҳбат қуришарди. Бир маҳал каккуга кўзлари тушиб ундан сўрашди:
— Какку, биз қанча яшаймиз?
— Ку-ку.
— Ие, нега бунча кам?
Шунда какку тилга кириб деди:
— Мен инсоф билан жавоб бердим. Агар мана шу нам жойда ўтираверсангиз, шунчаям яшай олмайсиз.
