АМЕРИКАЛИК МАШҲУР УФОЛОГ МАРСДА СУВ БОРЛИГИНИ АНИҚЛАДИ…

0

 

Ҳамиша ёлғизликда, мустақил равишда изланишлар олиб борувчи америкалик фолог олим Скотт Уоринг «Curiosity» марсоходи ерга жўнатган суратларни кўздан ўтказиш жараёнида тошлар орасидан сизиб чиқаётган сувни кўриб қолди ва изланишлар суръатини тезлаштирди. Тўғри, сурат 2014 йили марсоход тарафидан ерга юборилган. Аммо эндигина эътиборга тушибди.

Уоринг бу ҳақиқатни кўргач, НАСА ташкилоти олимларининг сирли ҳаракатлар олиб боришига яна бир бор амин бўлди.

— Марс сайёрасига ровер юбориб, сайёранинг устки қатламини суратга олишдан мақсад, — дейди Уоринг. — Қизил сайёрада биологик ҳаёт бор-йўқлигини аниқлашдан иборат эди. Бунинг учун биз Марсда сув мавжуд ёки мавжуд эмаслигини назоратдан ўтказишимиз зарур эди. Мана, сув топилибди. Лекин НАСА раҳбарлари, мутахассислари мен гумон қилганимдек, барча ҳақиқатларни дунё аҳлидан сир тутишмоқда экан. Хўш, бундан ниятлари нима? Нимага эришишади? Билмадим. Аммо барибир мамнун тортдим. Чунки биз олимлар мақсадимизга етиш арафасидамиз.