Фарзанд келажаги учун 40 млн сўм ундирилди

0

Фуқаролик ишлари бўйича Боғот туманлараро судининг 2016 йил 25 июль кунги ижро варақасига асосан, қарздор Б.Рўзметовдан ундирувчи Ф.Юсупова фойдасига бир нафар фарзандининг моддий таъминоти учун иш ҳақи ва бошқа даромадларининг 1/5 қисми миқдорида алимент ундириш тўғрисидаги ижро ҳужжати бўлим иш юритувига 2016 йил 22 августда келиб тушганди. Шундан сўнг давлат ижрочиси томонидаи №3687-сонли ижро ишини юритишни қўзғатиш тўғрисида қарор қабул қилиниб, қарор нусхаси тарафларга юборилган ва мажбурий ижро ҳаракатлари олиб борилган.

Шунга кўра, қарздорнинг Республика ҳудудидан четга чиқиш ҳуқуқлари вақтинча чекланган.

Олиб борилган ижро ҳаракатлари давомида қарздор Б.Рўзметовнинг иш ҳақи ва бошқа даромадларининг 1/5 қисми миқдорда Қонуннинг 64-моддасига асосан ундирилиб келинган.

Ижро ҳаракатлари давомида қарздор ва ундирувчи ўзаро келишганлигини ва қарздордан фарзандининг келажаги учун 40 000 000 сўм пул маблағини олганлиги сабабли ушбу ижро ишини тамомлашни сўраган. Шу боис ундирувчининг 09.10.2019 йилдаги тилхатига кўра, мазкур ижро ҳужжати амалда ижро қилиниб Қонуннинг 41-моддасига асосан тамомланган.

Ҳа, бу фарзанд келажаги учун қилинган яхши иш, лекин отанинг фарзандига бўлган меҳри ва эътибори фақат шу билан тўхтаб қолмаса бўлди…