Футбол учрашувини томоша қилиш учун стадионга кирмоқчи бўлган эронлик аёл вафот этди (+фото)

0

2019 йилнинг май ойида техронлик 29 ёшли аёл Саҳар Ҳодаяри маҳаллий «Истиқлол» клубининг ўйинини томоша қилиш учун эркаклар кийимида стадионга киришга уринган. Бундай қилганига сабаб эса Эрон давлатида аёлларга футбол учрашувларини ўйингоҳдан туриб томоша қилиш ман этилган. Стадион ходимлари Саҳарнинг ҳаракатлари шубҳа уйғотгани учун ушлаб қолишган.

Аввалига, уни сўроқ қилиб, сўнг уч кундан кейин қўйиб юборишди. Бироқ, кейинчалик аёлнинг иши судга оширилди. Суд залида эса Ҳодаяри 6 ойдан 2 йилга қадар жазо муддатини ўташини эшитиб, ташқарига чиққанидан сўнг ўзини ёқиб юборганди.

Саҳар Ҳодаяри олган жароҳатлари оқибатида 10 сентябрь куни оламдан кўз юмгани маълум бўлди.

loading...