БИ-Р КУЛИШМАЙМИЗМИ?..

0

 

 

* * *

 

Дорихонада.

— Менга икки қути глюконат кальций беринг!

— Яна нима?

— Кўмирчалар донасидан ҳам беш-ўн қути беринг!

— Ие, қаерингиз оғрияпти ўзи?

— Ҳеч қаерим оғримаяпти. Дўстим билан шашка ўйнамоқчийдик.

 

* * *

 

Тил-адабиёт муаллими гапирадиган тўти сотиб олди. Эртаси куни қушлар дўконига қайтиб келди-да, деди:

— Узр, кеча менга сотган тўтиқушингиз жуда бемаъни экан.

— Нега? Сўкинарканми?

— Йўқ, гапдаги баъзи феълларни топишга қийналаяпти.

 

* * *

 

Эркак дўконга келиб қўғирчоқ Барби сотиб олмоқчи бўлганди, сотувчи тушунтира кетди:

— Мана бу Барбимиз малика. 15 доллар туради. Манавиниси оиласи билан ажрашган Барби. 100 доллар туради.

— Нега бунча қиммат?

— Ие, ўзига қўшиб уй, машина ва вертолёт ҳам берилади.

 

* * *

 

Қиз онасига деди:

— Ойижон, мушукча сотиб олайлик!

— Йўқ, мушукка аллергиям бор.

Шунда ота ўрнидан туриб ғудранди:

— Мушукка аллергиянг бор, нега норкали шубага йўқ?

 

* * *

 

Самолёт осмонда парвоз қилаяпти. Бир маҳал учувчи хохолаб кулиб юборди. Шериги сўради:

— Нима бўлди?

— Тасаввур қилаяпман. Ҳозир қочганимни билиб қолишган бўлса, жиннихонада роса тўполон бўлиб ётгандир.

 

* * *

 

— Дада, менда иккита янгилик бор сизга. Бири яхши, бири ёмон.

— Қани, ёмонини айт-чи!

— Машинангизни авария қилиб юбордим.

— Яхшиси қанақа?

— Энди ҳеч қачон бундай қилмайман.

 

* * *

 

Болакай отасининг шифтни бўяётганини томоша қилиб турганди. Онаси келиб деди:

— Катта бўлсанг, сен ҳам отангга шифтни бўяшга ёрдам берасан.

— Ие, ўшангачаям бўяб бўлмайдими отам?

 

* * *

 

— Қўшни, мени машинангизда ишхонамгача олиб кетинг!

— Мен бошқа тарафга кетаяпман.

— Ундан ҳам яхши.

 

* * *

 

Икки жинни лифтда қамалиб қолишди.

Биринчиси:

— Ёрдам беринг!

Иккинчиси:

— Ёрдам беринг!..

Биринчиси:

— Йўқ, бунақаси кетмайди. Кел, биргаликда қичқирамиз!

Иккинчиси:

— Биргаликда-а!!! Биргаликда!!!

 

* * *

 

Чол-кампир сўрида овқатланиб ўтиришибди. Бир маҳал чол кампирининг пешонасига қошиқ билан туширди.

— Вой, нега урасиз, чол?

— Чапиллатмай егин!

Орадан ҳеч қанча ўтмай, чол яна кампирнинг пешонасига қошиқ билан урди.

— Энди нимага урдингиз?

— Чапиллатганингни эсласам, асабим бузилиб кетаяпти.