Англиялик қиз саратоннинг сўнгги босқичини бошдан кечираёган севгилисига турмушга чиқди…

0

 

Англиянинг Ланкашир графлигига қарашли Аккрингтон шаҳрида яшовчи Дарси Янг исмли қиз севган йигити 26 ёшли Дэн Кэссидининг саратон хасталиги туфайли яқинда оламдан ўтиши мумкинлигини билса-да, сира ўйлаб ўтирмай унга турмушга чиқди.

Дэн 2016 йили лейкемияга учраган. Врачлар диализ амалини адо этишди ва йигитнинг қонини тозалашди. Аммо орадан кўп ўтмай Дэннинг миясига қон қуйила бошлагани аниқланди. Хасталик сўнгги босқичга етганини англаб етган йигит бу ҳақда Дарси Янгга гапириб берди ва унинг қўлини сўради. Қиз рози бўлди.

— Уларнинг тўйи зўр ўтди, — дейди Дарси Янгнинг яқин дугоналаридан бири. — Ўн беш йилдан бери учрашиб юришарди. Ниҳоят бирга бўлишди. Алам қиладигани, врачлар Дэн узоғи билан бир йил яшаши мумкинлигини айтишган. Шунинг учунми, икки севишганлар бир сонияни ҳам бир-бирларидан айро ўтказмасликка, биргаликдаги қисқа ҳаётдан имкон доирасида кўпроқ лаззат олишга интилишмоқда. Уларга барча ҳавас қилса арзийди.