Россияда ўлим жазоси тикланиши учун жами аҳолининг 80 фоизи овоз берди…

0

 

Яқинда Россия Давлат Думаси мамлакатда ўлим жазоси тикланиши масаласида махсус сўровнома ўтказди. Бу фикр Саратовда 9 яшар қизалоқ ваҳшиёна ўлдириб кетилгандан сўнг пайдо бўлди. Дастлаб олий жазонинг қайта тикланиши ҳақида телебошловчи Владимир Соловьёв ҳамда Дума депутати Евгений Примаковлар сўз очди.

Эслатиб ўтамиз, шу йил 9 октябр куни Саратовда 9 ёшли Лиза исмли қиз мактабга кетган-у, изсиз ғойиб бўлган. Кўп ўтмай, қизнинг жасадини топишди. Қотил ҳам қўлга олинди. У Лизани саволига қўпол тарзда жавоб қайтаргани учун ўлдирганини таъкидлади. Қотиллик жинояти содир этилгач, одамлар мамлакатда ўлим жазоси қайтарилиши бўйича имзо йиғишга тушди. Бу масала тез орада Давлат Думасигача етиб борди. Сўровнома ташкил этилди. Сўровнома натижасига кўра, мамлакатда олий жазони қайта тиклаш учун жами аҳолининг 80 фоизи овоз берди. 16, 7 фоиз аҳоли қарши овоз берди. Бетарафлар 3 фоизнигина ташкил этди.