БИ-ИР КУЛИШМАЙМИЗМИ, ОКА?..

0

 

 

* * *

 

Эркак катта кўчада улкан бочкани юмалатиб кетаётганди. Дўсти кўриб қолиб сўради:

— Бочкани нима қиласан?

— Тижорат қилмоқчиман.

— Қанақа тижорат?

— Бугун дўхтирларга анализ топширгандим. Ишонасанми, қонимда катта миқдорда қанд моддаси бор эмиш.

 

* * *

 

120 ёшга кирган қариядан журналист сўради:

— Айтинг-чи, парҳез қилганмисиз?

— Йўқ, дуч келган овқатни еб кетаверганман.

— Унда қандайдир режимга амал қилгандирсиз?

— Йўқ, туни билан ухламасдан чиқишим ҳам мумкин эди.

— Унда шунча йил умр кўришингизнинг сири нимада?

— Менинг асабларим мустаҳкам. Умримда ҳеч ким билан баҳслашмаганман.

— Бўлиши мумкинмас.

— Жуда тўғри айтдингиз. Бўлиши мумкинмас.

 

* * *

 

Поезд купесига тўрт боласи билан бирга аёл кириб ўтирди. Болалар тўполон қилишни бошлаб юборишди. Жаҳли чиққан йўловчилардан бири аёлга деди:

— Бирор ерга кетаётган аёл болаларининг ҳеч бўлмаса ярмисини уйда қолдириб кетиши керак.

— Мен ҳам худди сиз айтгандай қилганман.

 

* * *

 

Олисга қатнайдиган юк машинаси ҳайдоувчиси йўл-йўлакай бир қаҳвахонага кириб товуқ гўшти сотиб олди. Аммо қўл ювиш учун чиққанда, қўшни столда ўтирган уч безори товуқ гўштини еб қўйди. Ҳайдовчи ҳеч нарса бўлмагандек, гўштнинг пулини тўлади-да, чиқиб кетди. Бироздан сўнг безорилардан бири сотувчига деди:

— Бу йигит жуда қўрқоққа ўхшайди. Ўзини ҳимоя қила олмаслиги аниқ. Кўриниб турибди.

Сотувчи:

— Ҳа, машина ҳайдашниям билмас экан. Ҳозиргина йўл четида турган учта мотоциклни мажақлаб ўтиб кетди.

 

* * *

 

Икки дайди ит болонкани кузатаркан, бири иккинчисига деди:

— Жуда чиройли экан!

— Э, нимаси чиройли? Уни сувдан чиққанда кўрсайдинг! Қомат эмас, чўп дейсан!

 

* * *

 

Бир ҳомиладор аёлга кўпроқ музқаймоқ ейишни маслаҳат беришганди. Рентгенга тушаётганда врач қараса, она қорнида эгизак ака-укалар жисмоний тарбия билан шуғулланаётганмиш ва бири иккинчисига дермиш:

— Ҳечқиси йўқ, ука, бир амаллаб қишдан чиқиб олармиз!

 

* * *

 

Бир хорижлик эркак қаҳвахонага кирса, қоғозга ёзиб қўйишибди:

1. Қўй гўштидан кабоб.

2. Қўй гўштидан ўзбекча кабоб.

Эркак ошпаздан сўради:

— Қўй гўштидан ўзбекча кабоб деганини қандай тушунса бўлади?

— Бу кабоб дўппига солиб пиширилади.

 

* * *

 

Қоп-қора тунда, қоп-қоронғи хонада ётсам, хотиним қоп-қора кўйлак ва қоп-қора шиппакда олдимга кириб келиб бақира кетди:

— Умримнинг энг ёруғ лаҳзаларини қайтариб беринг!

 

* * *

 

Қизил Шапкача ўрмонда кетаётганди. Олдидан бўри чиқиб қолди.

— Вой, бунча кўзларинг катта, бўривой? — деди Қизил Шапкача.

Бўри шу заҳоти қочиб қолди. Қизил Шапкача йўлида давом этди. Бир маҳал қараса, бўри дарахт панасида беркиниб турибди.

— Вой, бунча қулоқларинг чиройли, бўривой? — деди Қизил шапкача.

Бўри яна тирақайлаб қочди. Қизил Шапкача йўлида давом этди. Анча йўл босиб мундоқ ўгирилса, бўри оқ қайин ортида яшириниб турибди.

— Вой, бунча тишларинг чиройли, бўривой? — деди Қизил Шапкача. Шунда бўри ув тортиб юборди.

— Сенинг дастингдан ҳожатга чиқиб кела оламанми-йўқми-а?

 

* * *

 

Агар кимдир сени «Жинни» деб ҳақорат қилса, дарров хафа бўлма! Олдин яхшилаб ўйлаб кўр. Балки у ўзини таништиргандир.