ХИТОЙЛИК КИЛЛЕРЛАРНИНГ АЖАЛ ЎЙИНИ…

0

 

Хитойда бўлиб ўтган бу воқеа бир тарафдан ачинарли ва мудҳиш, иккинчи тарафдан эса кулгили. Гап шундаки, кунларнинг бирида икки хитойлик тадбиркор ўртасида пулнинг дастидан катта жанжал юзага келди. Вэй Мо исмли тадбиркор ўзини жабрланувчи ҳисоблаб ўзи жанжаллашган тадбиркор Тан Юхэйни судга берди. Бундан хабар топган Тан Юхэй рақибини ўлдиришга қарор қилиб, киллерга олдиндан 2 миллион юан миқдорда пул тўлади ва зудлик билан Вэй Мони тинчитишни буюрди. Бироқ киллер кўзи қиймай пулнинг тенг ярмини ўзида олиб қолди ва бошқа киллер топиб унга 1 миллион юанни топширди. Буюртма қабул қилинди. Аммо бу киллер ҳам айёрлик қилди. Учинчи бир киллерни топиб, 500 минг юан эвазига тадбиркор Вэй Мони ўлдиришга буюртма берди. Учинчи киллер эса тўртинчисини топиб қўлига 250 минг юан пулни топширди. У бешинчи киллерни топиб атиги 100 минг юан эвазига тадбиркорни ўлдиришга буюртма берди. Худди шу бешинчи киллер қаёқдаги 100 минг юанни деб қўлини қонга бўягиси келмади ва полицияга хабар берди. Полициячилар кўз очиб юмгунча қолган тўрт киллер ва асосий буюртмачи ҳисобланмиш тадбиркор Тан Юхэйни топиб қамоққа олишди. Барчалари қилмишига яраша жазосини олди.