«МУСИҚИЙ ТАНАФФУС»: Республикада хизмат кўрсатган артист Ғиёс Бойтоевнинг нафис қўшиқларидан бири… (ВИДЕО)

0

 

 

* * *

 

Қарамасанг, менам сенга қарамайман,

Шунчаки кўз ташлашгаям ярамайман.

Қовоғингдан қорлар ёғса ёғаверсин,

Ёришарму чеҳранг дебам сўрамайман.

Қарамасанг, менам сенга қарамайман.

 

* * *

 

Тундан қаро, қуюқ бўлсин кокилларинг,

Сумбулданам суюқ бўлсин кокилларинг,

Ҳуркакликда кийик бўлсин кокилларинг,

Сийпалаш на нигоҳим-ла тарамайман,

Қарамасанг, менам сенга қарамайман.

 

* * *

 

Ўзгаларга қилавергин нозларингни,

Сўзлайвергин елларга дил розларингни,

Қўймасанг ҳам кўнгил найи бўзларини,

Сув сепаман, ўтга ўтин қаламайман,

Қарамасанг, менам сенга қарамайман.

 

* * *

 

Ўлсам ўлай майли куйиб фироғингда,

Кўрмадим бир умидбахш чўғ қароғингда,

Қолсам қолай абад армони роҳингда,

Хаёлингни кўчасига йўламайман,

Қарамасанг, менам сенга қарамайман.

loading...