Миллиардерларнинг рафиқалари қандай кўринишга эга? (+Фото)

0

Аксарият инсонлар, жумладан миллиардернинг рафиқаларини фақатгина ҳашаматли ҳаёт ҳақида ўйлайдиган, камералар қаршисида суратга тушишни хуш кўрадиган, эрларининг битмас-туганмас бойликлари оғушида яшайдиган аёллар сифатида тасаввур қиламиз. Аслида эса дунёнинг энг бой инсонлари дея эътироф этиладиган эркакларнинг рафиқалари ҳақида унчалик кўп нарса маълум эмас.

Астрид Менкс
Турмуш ўртоғи: Уоррен Баффет, инвестор

Бойлиги 84 миллиард доллар

88 ёшли Уоррен Баффет инвеститсиялар билан ёшлик пайтларидан бери шуғулланади. У ўзининг биринчи рафиқасига Сюзан Баффетга 1952 йилда уйланган. Аммо турмуши омадли бўлмагач, 1970 йилларда Астрид исмли қиз билан оила қуради. Энг қизиғи, Уоррен Баффет биринчи аёлини унинг ўлимига қадар доим ҳурмат қилган, Астрид Баффет ҳам эрининг собиқ рафиқасига нисбатан жуда яхши муносабатда бўлган.

Мелинда Гейтс
Турмуш ўртоғи: Билл Гейтс, тадбиркор

Бойлиги: 90 миллиард доллар

Дунёдаги энг бой инсонлар рўйхатида иккинчи ўринда турадиган Билл Гейтс рафиқаси Мелинда Гейтс билан бундан 25 йил аввал турмуш қурган. Уларнинг учрашув тарихлари жуда қизиқ бўлган. Мелинда Миcрософт компаниясида мултимедиа маҳсулотлари билан анчадан бери ишларди. Қиз корпоратсия раҳбари билан танишган пайтлари юқори лавозимларнинг бирини эгаллаб ҳам бўлганди. Мелинда Гейтс беҳад ўқимишли қиз бўлган, аммо оила қургач, ўз ҳаётини эри ва фарзандлари учун бағишлашга қарор қилди. 2000 йилга келиб эри билан биргаликда Билл ва Мелинда Гейтс хайрия фондига асос солдилар. Бу айни пайтда дунёдаги энг катта фонд ҳисобланади.

Пристсилла Чан
Турмуш ўртоғи: Марк Сукерберг, CЭО Фаcебоок

Бойлиги: 71 миллиард доллар

Пристсилла икки фарзандли бўлса ҳам ҳалигача эри ва унинг нуфузига мос эмаслиги ҳақидаги гапларни эшитиб келади. Аммо аёл бунга ҳеч қандай эътибор қаратмаслик қарорига келиб бўлган. Унинг учун муҳими – Маркнинг муҳаббати.

Марк бўлғуси рафиқаси билан Гарвард университетида ўқиб юрган пайтлари танишган. У Маркнинг ғояларига қаттиқ ишонган биринчи инсонлардан эди. Бугунги кунда жуфтлик икки нафар фарзандни вояга етказиш билан бирга хайрия масалалари билан шуғулланишади.

Даяна Тейлор
Танлаган ёри: Майкл Блумберг, Блоомберг агентлиги асосчиси, Ню-Ёркнинг собиқ мери

Бойлиги: 50 миллиард доллар

Даяна Тейлор ва Майкл Блумберг расмий равишда оила қурмаган, аммо бутун дунё уларни энг мустаҳкам оилалардан бири деб билади. Афсонавий Блоомберг асосчиси Ню-Ёрк шаҳрига мер этиб тайинланганда, Даяна Тейлор ҳам сиёсат ишларига қизиқиб қолди. Айни пайтда ушбу жуфтлик бизнес ва сиёсат билан шуғулланади. Бундан ташқари хайрия ишларини ҳам эътиборсиз қолдирмайдилар.

Люсинда Саусворт
Турмуш ўртоғи: Ларри Пейдж, Гоогле асосчиси

Бойлиги: 48,8 миллиард доллар

Ларри Пейдж рафиқаси жуда ҳам қизиқ аёл: ОАВ унга қанчалик қизиқмасин, ўзи ҳақида ҳеч кимга ҳеч нарса айтмайди. Жуфтлик 2006 йилда танишган бўлса, орадан бир йил ўтиб турмуш қурганлар. Айтишларича, Люсинда намунали оила фарзанди ва ўзи ҳам таълим соҳасидаги ютуқлари билан тилларга тушган. У биологик таҳлиллар ва тадқиқотлар билан шуғулланади. Эр-хотиннинг иши ҳаддан ташқари кўп ва қизиқишлар ҳам етарлича бўлса-да оилага вақт ажратиш учун доим имкон топишади.