ТОШКЕНТДА БОШ ВАЗИР ВА ШАҲАР ҲОКИМИ ИМЗОСИНИ ҚАЛБАКИЛАШТИРГАНЛАР СУДЛАНДИ…

0

 

Яқинда Тошкент шаҳар Шайҳонтохур жиноят судида фирибгар ва унинг тўрт нафар шериги устидан қўзғатилган жиноят иши кўриб чиқилди. Маълум бўлишича, фирибгар №1 Чилонзор туман ҳокимиятининг қурилиш бўлимида ишлаб туриб республика бош вазири ҳамда Тошкент шаҳар ҳокимининг имзоларини қалбакилаштирган ва бу жиноят ишига тўрт нафар шахсни ҳам жалб этган. Улар қалбаки имзолар ёрдамида қалбаки ҳужжатлар тузиб, ер участкаларини фуқароларга сотиш билан шуғулланган. Худди шу жиноят ёрдамида фуқароларни ярим миллион долларга чув туширган.

Суд бу жиноят ишини атрофлича кўриб чиқиб, фирибгар №1 ни 5 йил-у 6 ой муддатга озодликдан маҳрум этди. Яна бир шериги ҳам шунча муддатга қамалди. Қолган учта шериги жаримага тортилди. Бундан ташқари, одамлардан алдов йўли билан олинган пулларни ҳам эгаларига қайтариши шарт деб қўйилди.

 

loading...