КУН КУЛГИСИ…

0

 

 

* * *

 

Хасисдан сўрашди:

— Чойингизга неча қошиқ шакар солайлик?

— Саккиз қошиқ. Лекин аралаштирманглар, акс ҳолда чой жуда ширин бўлиб кетади.

 

* * *

 

Мактабда ўқувчиларга беморга биринчи ёрдам кўрсатишни ўргатишяпти. Муаллим ўқувчиларнинг биридан сўради:

— Агар уканг уй калитини ютиб юборса, нима қилардинг?

— Уйга деразадан ошиб кирган бўлардим.

 

* * *

 

Ўта рашкчи хотин кунига эрининг кийимларини текширувдан ўтказиб, бир дона соч толаси топиб олса ҳам жанжал кўтараверарди. Бир куни ҳеч нарса тополмагач, бақирди:

— Ҳа-а, энди кал аёллар билан учрашишни бошладингизми-а?

 

* * *

 

Меҳмонхона хўжайинига мижозлардан бири деди:

— Тушунмадим. Меҳмонхона ҳақига телевизорниям қўшиб қўйибсиз. Хонада телевизор йўқ-ку!

— Тўппа-тўғри. Биз телевизор сотиб олиш учун пул йиғяпмиз.

 

* * *

 

Сураткаш қиздан сўради:

— Суратингиз каттароқ бўлсинми, кичикроқми?

— Конвертга сиғадиган бўлсин!

— Унда кулмасдан фақат жилмайиб туринг, кадрга сиғмаяпсиз!

 

* * *

 

2100 йил. Қизига туғилган кунида «Японотавр-Боинг. UZ» самолётини совға қилган триллиардер сўради:

— Она қизим, яхши келдингми?

— Ҳа, дада.

— Самолётингни аэродромга қўйдингми?

— Қўйдим.

— Дарвозани қулфладингми?

— Ўзи қулфланади-ку дарвоза!

— Ҳа-я, эсим қурсин!.. Айтганча, бугун бунча кеч келдинг?

— «Пробка»га тушиб қолдим.

 

* * *

 

Чукча дўстига деди:

— Кеча битта ўн долларлик топиб олдим.

— Ў, зўрсан-ку! Кейин нима қилдинг?

— Ташлаб юбордим.

— Ие, нега? Жиннимисан?

— Қалбаки экан.

— Қаердан билдинг қалбакилигини?

— Аҳмоқ, иккита ноли бор ўн долларликни қаерда кўргансан?

 

* * *

 

Эр-хотин тушлик қилишарди. Хотин кутилмаганда косадаги шўрвани кийимига тўкиб юборди ва деди:

— Э, чўчқадан баттарман-а!

— Тўппа-тўғри, яна буям етмагандай, устингга шўрваниям тўкиб юбординг.

 

* * *

 

Етти яшар болакай биринчи синфга кирган куни мактабдан қайтди. Отаси ундан сўради:

— Хўш, мактаб яхшимикан? Нималарни ўргандинг?

— Ёзишни ўргандим.

— Биринчи куниёқ ёзишни ўргандингми? Баракалла! Хўш, нималарни ёздинг?

— Билмадим, ҳали ўқишни ўрганганим йўқ.

 

* * *

 

Чукчани таржимон орқали сўроқ қилишяпти.

— Олтинларни қаерга беркитдинг?

Таржимон:

— Чукча, олтинларни қаерга беркитдинг?

Чукча:

— Айтмайман.

Таржимон:

— У айтмас экан.

— Агар олтинлар қаердалигини айтмасанг, сени ўлдирамиз.

Таржимон:

— Айтмасанг, ўлдиришаркан.

Чукча:

— Фалон қора уйнинг тагига кўмиб қўйганман олтинларни.

Таржимон:

— Ўлдирсангиз ҳам барибир айтмас экан.

 

loading...