Ukraina prezidentining o'zbek qiyofadoshi kinoda rol o'ynaydigan bo'ldi…

0

 

Esingizda bo'lsa, biz ilgari ham o'zbekistonlik Umidjon Usaboyev haqida yozgandik. O'shanda uning Moskva metrosida mudrayotgan surati namoyish etilgandi. Haqiqatan Umidjon Ukraina prezidenti Vladimir Zelenskiyga quyib qo'ygandek o'xshaydi. O'zining tan olib aytishicha, o'sha metrodagi surati internetga tarqalgach, hayoti tubdan o'zgarib ketibdi. Oktyabr oyida Rossiya jurnalistlari uni qidirib topishibdi. Ma'lum bo'ldiki, Umidjon Moskvada oilasi bilan yashab, avtomobillarni bo'yash bilan shug'ullanarkan.

— Birinchi intervyumdan keyin hayotim tubdan o'zgardi. Ko'chada ketayotsam ham selfi qilishni so'rashadi. Yaqinda mashhur prodyuser meni kinoda rol o'ynashga taklif etdi. Zelenskiyning obrazini yaratarkanman. Meni Moskvada Dima Zelenskiy deb chaqiradigan bo'lishgan. Rosti, men rostdan ham Zelenskiyga o'xshayman. Nafaqat tashqi qiyofam, balki ichki dunyom ham o'xshash. Men ham ukrain tilida zo'rg'a gapiraman. Siyosatda nolman. Kinoda Zelenskiyni o'ynashga tayyorman. Axir, uning vaqti yo'q. Ishlari ko'p. Lekin cho'chqa go'shtini yeydigan lavhalar bo'lsa, qarshiman — deydi kulib Umidjon.

 

loading...