Jizzaxdagi IIB binosida qurilish ishlarini amalga oshirayotgan 7 ishchi is gazidan zaharlanib vafot etdi

0

Jizzaxda 7 nafar ishchi is gazidan zaharlandi. Bu haqda O'zbekiston Respublikasi Bosh prokuraturasi jamoatchilik bilan aloqalar va huquqiy axborot bo'limi boshlig'i Hayot Shamsutdinovga asoslanib kun.uz xabar berdi.

2019 yil 19 noyabr kuni Jizzax viloyati, Zomin tumani IIB 10-sonli bo'linmasi binosida qurilish ishlarini amalga oshirayotgan 7 nafar yollanma ishchi is gazidan zaharlanib, voqea joyida vafot etishgan.

Bildirilishicha, mazkur holat yuzasidan Jizzax viloyati prokuraturasi tomonidan JKning 207-moddasi 3-qismi «a» bandi bilan jinoyat ishi qo'zg'atilgan.

Tergov harakatlari olib borilayotgani aytiladi.

loading...