БИ-ИР КУЛИШМАЙМИЗМИ?..

0

 

 

* * *

 

Афанди 5 яшар ўғлини зиёфатга олиб борганди. Дастурхон атрофига ўтиришгандан ўғли столдаги таомлар, мева-чеваларни паққос тушира бошлади. Меҳмонлар қаршисида мулзам тортган афанди ўғлининг қулоғига шивирлади:

— Болам, сал секинроқ-да! Мунча очопатлардай дуч келган овқатни оғзингга тиқмасанг?

Ўғли жавоб берди:

— Дада, сиз билмайсиз. Олмада «О» витамини бор. Ҳолвада «Ҳ» витамини бор. Мантида «М» витамини бор…

Афанди ўғлининг юзига тарсаки тортди-да, деди:

— Ўғлим, шапалоқда «Ш» витамини бор.

 

* * *

 

Шиша идишлар қабул қилиш пунктига бомж келиб сўради:

— Кечирасиз, сизлар вискидан бўшаган идишларниям оласизларми?

Пункт ходими унинг елкасидаги вискидан бўшаган идишлар тўла қопга қараб олди-ю, деди:

— Ҳа, жаноб!

 

* * *

 

Невара бобосидан сўради:

— Бобо, ёшлик пайтингизда қаерда кўп ўтирардингиз? «Контакт»дами, ё «Одноклассник»дами?

— Ёшлигимда, болам, одноклассник қиз билан контактга киришиш учун қачон қараса қўшнимизнинг маккапояси орасида ўтирардим.

 

* * *

 

Математика муаллимаси ўқувчидан сўради:

— Тасаввур қил, сенга 200 доллар бердим. Сен бу пулнинг 50 долларини Ойшага, эллик долларини Заҳрога, яна эллик долларини Манзурага бердинг. Нима бўлади?

— Жиннихонага тушиб қоламан.

 

* * *

 

Ота ўғлидан сўради:

— Мактаб директорингнинг фамилияси нима?

— Билмайман.

— Синф раҳбарингники-чи?

— Униям билмайман.

— Ие, ёшинг ўн бешга етди-ю, ҳалиям «билмайман» дан нарига ўтолмасанг!.. Нечанчи синфда ўқиётганингни биларсан, ҳеч бўлмаса?

— Албатта. Аҳмоқманми билмай?

— Хўш, нечанчи синфда ўқийсан?

— Учинчи.

 

* * *

 

Жуҳуд оғайнисига деди:

— Касалман. Лекин дўхтирга бормайман. Жуда қиммат оларкан.

— Йўғ-э!.. У биринчи марта борганлардан қиммат сўрайди. Иккинчи, учинчи марта борсанг, ўша пулнинг ярмисини олади.

Бу гапни эшитган жуҳуд врач қабулига борди ва деди:

— Салом дўхтир! Мен яна келдим!

 

* * *

 

Бева аёл дугонасига деди:

— Мен жудаям қўрқиб кетяпман. Тасаввур қил, ярим кечаси марҳум эрим кириб келса-я!?. Мени қўрқитса-я!?.

— Қўрқма, у тириклигидаям соат эрталабки бешдан олдин уйга келмаган.

 

* * *

 

— Вой, дугонажон, нега турмушга чиқдинг? Ҳали эринг ўлганига бир йил тўлмади-ку!

— Ие, қара-я, буёғини ўйламабман-ку! Ҳа майли, келаси сафар сал эътиборлироқ бўламан.

 

* * *

 

Эркак ўрмонга бориб каттакон арчанинг остида туриб олганча Худога нола қиларди:

— Худойим, менга шу арчада нечта игна бўлса, шунча бойлик ато эт!

Буни эшитган таниши сўради:

— Агар шунча бойликка эга бўлиб қолсанг, менгаям ярмини берасанми?

— Бу нима деганинг? Ё сенга ўрмонда арча камлик қиляптими?

 

* * *

 

Бир одам ит етаклаб кетаётган бошқа бир одамдан сўради:

— Зоти қанақа бу итнинг?

— Бу ит милиция хизматчиси.

— Ўхшамайди-ку!

— Тўғри, ўхшамайди. Чунки у махфий бўлимда хизмат қилади.

 

 

 

loading...