23 ёшли терговчи Мария Клочкова ҳамкасблардан бири номусини поймол қилгани учун жонига қасд қилибди…

0

 

Ҳозиргина эътиборингизга ҳавола этган 23 ёшли терговчининг жонига қасд қилгани ҳақидаги хабарга янада аниқлик киритилди. Айтишларича, марҳума шунчаки ўз жонига қасд қилмаган. Гарчи полиция маҳкамасидагилар Мариянинг руҳий масалада муаммоси борлигини тахмин қилган бўлса-да, аслида ундай эмас экан. Мария руҳан соғлом бўлган. Шу ҳақда унинг туғишган опаси Анна Колочкова гапириб ўтди.

Анна айтдики, Мария ажойиб инсон эди. Шу йил 6 октябр куни Мария касалхонага тушиб қолган. Маълум бўлишича, ҳамкасб эркаклардан бири унинг номусини поймол қилган. Бу Мариянинг руҳиятига қаттиқ таъсир қилган. У ўзини оиласини шарманда қилганликда айблай бошлаган. Журналистлар турли миш-мишлар тарқатишидан қўрқиб, номусини поймол қилган ҳамкасб эркак устидан шикоят ҳам қилмаган. Ваҳоланки, раҳбарлари ҳам Мариянинг номуси поймол қилинганидан хабардор бўлган. Тез орада айбдорни ишдан бўшатишга сўз беришган. Марияни ўзи туғилиб ўсган шаҳарга ишга ўтказишни ҳам ваъда қилишган. Бироқ Мариянинг ўлимига сабабчи бўлган полициячи хизмат вазифасини бажаришда давом этмоқда. Қолаверса, Мариянинг ўлимига яқин раҳбари уни қаттиқ ҳақорат қилган. Уни алламбало жиноятларни содир этганликда айблаган. Бу зарбалар ҳам марҳумани жонига қасд қилишга етаклаганлиги аниқ.

 

loading...