Туркиядаги банклардан бирига ўзбекистонлик эркак қўлида қурол билан бостириб кирди… (ВИДЕО)

0

 

Бу воқеа 17 декабр куни эрталаб содир бўлди. Анталиядаги банклардан бирига қўлида тўппонча тутган эркак бостириб кириб, барча мижозларни ташқарига ҳайдади, аёл ходималарни ҳам қўйиб юборди. Эркакларни эса гаровга олди. У кимда ким қимирласа, ёнида портловчи қурилма борлигини, истаган пайт портлатиб юборишини айтиб қўрқитди. Босқин содир этилган жойга ўша яқин атрофдаги полиция ва махсус хизмат ташкилоти вакиллари етиб келди. Қисқа вақт давом этган музокаралардан сўнг эркак таслим бўлди. Кейинчалик маълум қилишларича, босқинчи ўзбекистонлик муҳожир экан. Уни банкдагилар алдагани учун шу ишга қўл урибди. Қолаверса, ёнида ҳеч қандай портловчи қурилма йўқ, тўппонча эса болалар ўйинчоғи бўлиб чиқди.

Ҳозирда босқинчи қўлга олинган. Дастлабки тергов ҳаракатлари бошланган.

 

 

loading...