ОДАМ ҚАНЧА КЎП ТИЛ БИЛСА, МИЯСИ ШУНЧА ЯХШИ ИШЛАЙДИ…

0

 

Олимларнинг навбатдаги тадқиқотлари одам иккинчи ва ҳоказо тилларни ўзлаштирганда мия фаолиятига қандай таъсир қилишига бағишланди. Тадқиқотлар натижаси шундай бўлдики, одам она тилидан ташқари ўзга тилларни қанча кўп билса, мия фаолияти шунча яхшилана бораркан. Хорижий тилни қанча мустаҳкам ўрганиб борилса, миядаги эътибор, тезлик ва шу каби хусусиятлар мукаммаллаша боради. Шу нарса талабаларда синаб кўрилди. Ҳақиқатан, хориж тилини қанчалик мукаммал эгалланса, мия шунча тезлашиб бориши талабалар ечган тестларда ўз аксини топди. Масалан, инглиз, испан ва бошқа тилларни ўта мукаммал эгаллаганлар, ўртамиёна тил биладиганлар, ёки иккинчи тилни умуман билмайдиганларга қараганда тестларни анча илгари ечиб улгуришди. Бундан ташқари, миядаги эътибор, сезгирлик, сергаклик кабилар учун жавобгар тўқималар метинлаша бориши ҳам тадқиқотлар давомида ўз исботини топди.

loading...