Божхоначилар 105 миллион сўмлик найрангни фош қилди

0

Божхона қонунбузилиши ҳолатларига қарши божхона органлари томонидан тизимли равишда кураш олиб борилмоқда.

Жумладан, Тошкент халқаро аэропортига хориждан учиб келган фуқаро К.А.нинг хатти-ҳаракатлари божхоначилар эътиборини тортди ва ушбу шахс белгиланган тартибда божхона кўригидан ўтказилди. Бу ҳақда Давлат божхона қўмитаси ахборот хизмати хабар бермоқда

Натижада, ушбу шахснинг юклари орасида жисмоний шахслар учун белгиланган божхона тўловларисиз олиб кириш меъёридан ортиқча бўлган умумий қиймати 105 миллион сўмлик, оғирлиги 30 килограммдан ортиқ сабзи уруғлари борлиги аниқланди.

Ҳозирда ушбу ҳолат юзасидан божхона органлари томонидан суриштирув ишлари олиб борилмоқда.

Эслатиб ўтамиз, Вазирлар Махкамасининг “Ўзбекистон Республикаси ҳудудини ўсимликлар карантинидаги зарарли организмлардан ҳимоя қилиш ва Ўсимликлар карантини соҳасида рухсат бериш тартиб-таомилларидан ўтиш тартиби тўғрисидаги низомларни тасдиқлаш ҳақида”ги 65-сонли қарорига асосан ўсимликлар карантини назоратидаги маҳсулотларни олиб кириш Ўсимликлар карантини давлат инспекцияси томонидан бериладиган рухсатномалар асосида амалга оширилади.

loading...

ФИКР БИЛДИРИШ

Please enter your comment!
Please enter your name here