Ўйлаб кўрдингизми? 2020 йил 30 март куни юлдузлар сизга нималарни ваъда қиларкин?

0

 

 

 

ҚЎЙ (21. 03 — 20. 04)

 

Эрталаб вақтли туришингиз ва ишга бел боғлашингиз лозим. Кечаги кундан қолган ишларни биринчи навбатда адо этмасангиз, моддий аҳволингиз аянчли ҳолатга тушиб қолиши ҳеч гап эмас. Умуман айтганда, сизда куч ҳам, имконият ҳам етарли. Ҳар қандай мушкул вазифаларни ҳам уддалай оласиз. Кун давомида телефон орқали ҳамкасблардан бири асабингизга тегадиган гапларни гапиравериб хит қилиши мумкин. Аммо сир бой берманг. Ўзингизни атайин ундан юқорироқ қўйган бўлинг. Кечқурун тоза ҳавода сайр қилинг.

 

БУЗОҚ (21. 04 — 20. 05)

 

30 март куни зиммангизда анча мушкул бир вазифа туради. Бир ойлик оилавий бюджетни қойиллатиб ҳисоблаб чиқшингиз керак. Ҳисоб-китоб ниҳоятда аниқ бўлиши зарур. Бугун пул масаласида қийналмайсиз. Лекин барибир тежамкор бўлсангиз, зиён қилмайди. Сафарга, саёҳатга чиқишингиз тавсия этилмайди. Кечқурун севимли китобингиз билан тиллашишингиз фойдалироқ. Турли учрашувлар, спорт машғулотлари бугун сизга позитив ҳадя этмайди.

 

ЭГИЗАКЛАР (21. 05 — 21. 06)

 

Эгизаклар буржи остида таваллуд топганлар эрталабданоқ уй йиғиштириш, жиҳозлар жойини ўзгартириш билан банд бўлади. Худди байрамга ҳозирлик кўраётгандек шошиласиз. Бугунги кун сизга кутилмаган ҳодисаларни, тақдирингизни ўзгартириш қувватига эга учрашувларни ҳадя этади. Ақлингиз етмайдиган ишларга қўл урмаганингиз маъқул. Барибир фойда кўрмайсиз. Кечқурун овқатланишга эътибор билан ёндашинг. Бугун бировларни ранжита кўрманг.

 

ҚИСҚИЧБАҚА (22. 06 — 22. 07)

 

30 мартда руҳан ўсиш ҳаракатига тушишингиз талаб этилади. Нуқсонларингиз бўлса, уларни йўқ қилишга уриниб кўринг. Шунда атрфодагиларнинг сизга бўлган ишончи, ҳурмати ортади. Лекин бу йўлда қасам ичманг. Гуноҳ бўлади. Ўзгаларнинг оғирини енгил қилинг. Савобга эга бўлинг. Афсуски, бугун молиявий аҳволингиз ҳавас қиладиган даражада кечмайди. Пулларингиз мақсадсиз сарф бўлишга юз тутиши мумкин. Сергак тортинг. Кечқурун ёлғиз қолиб эртанги кун ҳақида режалар тузинг.

 

АРСЛОН (23. 07 — 23. 08)

 

Бугунги кунингиз тинчлик, хотиржамлик, аҳилликда ўтиши кутилмоқда. Яқинларингиз, танишларингиз билан бир-бирингизнинг шаънингизга тегадиган ҳақоратлар ёғдиришдан тийилинг. Иш жойингиздаги мартабангиз юқорилаши учун астойдил ҳаракат бошланг. Астойдилликдан бўлак йўл билан эзгу мақсадларга ета олмайсиз. Бир дақиқа ҳам бўшашманг. Тўхтаманг. Олға босишда давом этинг. Куннинг иккинчи ярмида уй учун деб қилинадиган харидлар муваффақиятли кечади.

 

ПАРИЗОД (24. 08 — 22. 09)

 

30 март куни оила аъзоларингиз қуршовида вақт ўтказишингиз кутилади. Бугун сизга жисмоний меҳнат ҳар тарафлама ёрдам беради. Фойдали кечади. Жисмоний меҳнат хунук ва ваҳималари хаёлларни ҳам миянгиздан сиқиб чиқаради. Ваҳоланки, унақанги хаёллар миянгизда жуда кўпайиб кетган. Ижодкорларнинг айримларига бугун куннинг иккинчи ярмида охирги ижод маҳсулини кўпчиликка кенг намойиш этиш имконияти туғилади. Сурункали хасталикка чалинганлар, ёши улуғларга вирус юқтириб олишдан сақланиш тавсия қилинади.

 

ТАРОЗИ (23. 09 — 23. 10)

 

Бугун шахсий истакларингизга қарши кураша бошлашингиз мумкин. Лекин ғолиб бўла олмайсиз. Кураш аввалидаёқ таслим бўласиз. Бунга суюкли инсонингизни кўришингиз сабаб бўлади. Серқатнов йўлларда жуда эҳтиёт бўлишингиз сўралади. Молиявий масалани вақтинча четга сура туринг. Шундоқ ҳам моддий аҳволингиз ачинарли эмас. Ҳозир ундан ҳам муҳимроқ ишларни бажаришингиз талаб этилади. Улар бугун жудаям кўп бўлади.

 

ЧАЁН (24. 10 — 22. 11)

 

30 мартда иш бажаришда янги имконият эшиклари очилганига гувоҳ бўласиз. Ишни ўзингизга нисбатан ёши улуғ, тажрибаси кўпроқ ҳамкасб билан шерикчиликда бажаришингиз эҳтимоли бор. Жамоавий иш барибир яхши-да. Тез ва соз бажарасиз. Бугун ҳаммомга тушиш, организмни ортиқча заҳарли моддалардан тозалашда асқотадиган профилактика амаллари муваффақиятли якун топади. Жисмоний зўриқишлардан сақланинг.

 

ЎҚОТАР (23. 11 — 21. 12)

 

Тадбиркорлар куннинг биринчи ярмини янги шартномага имзо чекиш ёки чекмаслик ҳақидаги ўй-хаёллар билан ўтказишади. Агар қалбингизда бу шартномага нисбатан шубҳа бўлса, имзо чекишдан воз кечинг. Ёлғизлар қандайдир кичик тадбирга бориш натижасида бўлғуси жуфтини учратиши мумкин. Учрашув танишувга уланиши аниқ. Кечқурун енгил ҳазм бўладиган таомлар истеъмол қилинг. Акс ҳолда тез кунда ошқозонингиздан шикоят қила бошлайсиз. Тоза ҳавода сайр қилишни ҳам унутманг.

 

ТОҒ ЭЧКИСИ (22. 12 — 19. 01)

 

30 март куни организмингизга қуллуқлар қилсангиз арзийди. Чунки у шамоллаш ва шу каби асоратларни аъло даражада енга олади. Лекин барибир дори-дармонсиз мақсадга етиб бўлмайди. Фақат иммунитетингиз мустаҳкамлиги шу тахлит дардларни енгишда далда бўлади. Ҳар бир масалада чуқур мулоҳаза билан иш тутинг. Енгил ўйлаш ҳам касалликларга сабабчи бўлади. Автомобил бошқаришни энди-энди ўрганаётганлар йўлга муаллимсиз чиқмаслиги тавсия этилади. Серқатнов йўлларда машина рулини бошқаришнинг ўзи бўлмайди. Омад сизга ёр бўлсин!

 

ҚОВҒА (20. 01 — 18. 02)

 

Атрофдагилар, оила аъзоларингиз, ҳамкасбларингиз билан мулоқот чоғида овозингизни бир парда пастлатган ҳолда гапиришингиз керак бўлади. Баъзиларга баланд овозда гапиришингиз ёқиб тушмаслиги мумкин. Тадбиркорлар янги ҳамкорлар билан иш юзасидан келишувларда муваффақият қозонади. Муҳаббатда жуфтингиз ёки бўлғуси жуфтингиз билан дунёқарашлар турлича бўлиб чиқмоқда. Битта йўлга тушиб олишга ҳаракат қилинг.

 

БАЛИҚ (19. 02 — 20. 03)

 

30 мартда ўзгаларга қанот бағишлаш, уларни руҳлантира билиш қобилиятингизни ишга солинг. Айниқса, тижоратчи танишлар, дўстларга руҳ бера билсангиз, пичоғингиз мой устида бўлади. Жуфтингизга у даражада қўполлик қилишингиз тўғри бўлмайди. Шундоқ ҳам у сизни кўз қарашингизданоқ тушуна олади. Кечқурун рўзғорингиздаги муаммоларни бартараф этиш ҳаракатида бўлинг.

Хушвақт бўлинг! Ҳаммавақт бўлинг!

Олимжон ҲАЙИТ тайёрлади

loading...