Юрак хуружидан дарак берувчи асосий аломатлар

0

Германиялик кардиолог Ульф Ландмессер юрак хуружи яқинлашаётганини билиш мумкин бўлган учта асосий аломатни маълум қилди, деб ёзмоқда kun.uz.

Профессорнинг таъкидлашича, Германияда 40 фоиз ўлим юрак-томир касалликлари билан боғланган. Бу касалликларда 300 мингга яқин германиялик азият чекади, 50 мингга яқини вафот этади.

“Агар юрак хуружини вақтида аниқласангиз, яшаб кетишга ўз имкониятларингизни оширишингиз мумкин. Чунки инфарктдан кейинги илк онлар энг оғир ҳисобланади”, деб айтан кардиолог.

Унинг таъкидлашича, агар инсон ўз кўкрагида гўёки фил ўтириб олгандек кучли сиқишни ҳис қилса, унда зудлик билан тез ёрдам чақиртириш лозим.

Шунингдек, чап қўл ва бўйинда оғриқлар хавотирли ҳисобланади. Баъзида юрак хуружи олдидан ошқозон қаттиқ оғриши мумкин.

Мутахассиснинг таъкидлашича, агар санаб ўтилган аломатларга нафас сиқиши ва хавотирга тушиш қўшилса, айниқса, огоҳ бўлиш лозим.

Кардиолог бундай ҳолатларда “қонни суюлтириб бериши” туфайли баъзида аспирин ёрдам бериши мумкинлигини қўшимча қилган.

loading...