БУ ҚИЗАЛОҚНИНГ КЎЗЛАРИДАН ЁШ ЎРНИГА ҚОН ОҚАДИ…

0

 

Исми-шарифи маълум қилинмаган бу 11 яшар қизалоқ Ҳиндистонда яшайди. У йиғлаганда, кўзларидан одатий ёш ўрнига қон оқаркан. Ота-онаси клиникага текширтириш учун олиб борганди. Қизнинг кўз ё бош қисмида ҳеч қандай жароҳат аломатлари кўзга ташланмади. Ҳар тарафлама соғлом экани аниқланди. Онасининг айтишича, бу ҳолат бир кунда бир неча маротаба кузатилади. Аммо қизалоқ кўзларидан қон оққанда оғриқни ҳам, қандайдир салбий эмоционал ҳолатни ҳам ҳис этмас экан.

Тиббиётчилар таъбирида бундай ҳолат «гемолакрия» деб аталаркан-у, лекин ҳаётда жуда кам учраркан. Врачлар ҳайрон бўлиб яна бир вариантни текширишди. Яъни, агар одам қайсидир хасталикка чалинса, ёки шунчаки бошими, миясими, юз ёки кўз қисми оғриса-ю, дори ичган бўлса, шу дори ҳам аксил реакция бериши оқибатида кўздан қон оқиши мумкин экан. Бироқ бу ҳинд қизида шундай ҳолатлар ҳам кузатилмаган. Хуллас, Ҳиндистонлик қизалоқнинг кўзларидан нега қон оқишини олимлар ҳам аниқлай олишмади.

 

loading...