Жанубий Корея собиқ президенти 17 йилга «кесилди»

0

Жанубий Корея Олий суди қуйи суднинг собиқ президент Ли Мён Бакни ўзлаштириш ва пора олишда айбланиб, 17 йилга озодликдан маҳрум қилиш тўғрисидаги қарорини ўз кучида қолдирди.

Корея Республикаси Президенти Ли Мён Бак 2008-2013 йилларда пора олишда, давлат маблағларини ва DAS хусусий автомобил эҳтиёт қисмлари ишлаб чиқарадиган компаниянинг маблағларини ўғирлашда айбланган. Ушбу компаниянинг директорлар кенгашининг раиси унинг акаси Ли Сан Ин эди.

Сеул Марказий округ суди 2018 йил 5 октябрда экс-президент амалда DAS эгаси эканлиги ва ўз ваколатларини фирма ва ўз манфаатлари йўлида ишлатганлиги тўғрисида қарор чиқарди. Сиёсатчи 15 йилга озодликдан маҳрум этилди.

Ҳимоячи апелляция шикоятини юборди ва 2019 йил март ойида 78 ёшли Ли соғлиғи сабабли гаров эвазига озод қилинди. Бироқ, иш қайта кўриб чиқилгач, президентнинг фойдасига ишламайдиган янги тафсилотлар ошкор этила бошлади. Натижада, 2020 йил январ ойининг бошларида прокуратура айбловларни тўғрилаб, суддан собиқ президент учун қамоқ муддатини 23 йилгача оширишни ва жарима ва мусодара қилинган мол-мулк миқдорини сезиларли даражада оширишни сўради.

Апелляция суди феврал ойида DAS компаниясининг маблағларини ўғирлаш, йирик электроника компаниясидан пора олиш, йирик молиявий холдинг раиси, давлат разведка хизмати раҳбари, собиқ депутат ва бошқалар фактларини тан олди. Муддат 17 йилгача узайтирилди.

Олий суд 29 октябр куни аввалги қарорни ўз кучида қолдирди. У 25,2 миллиард вон (тахминан 22,2 миллион доллар) миқдоридаги DAS маблағларини ўзлаштирганини ва ярим миллионга яқин пора олганини, яна сайлов фондлари тўғрисидаги қонунни бузган ҳолда 400 миллион вонни (тахминан 352 000 доллар) ўзлаштирганини тан олди.

loading...